Dúniejúzilik boks qaýymdastyǵy (WBA) qazaqstandyq boksshy Beibit Shúmenovti (18-2, 12 KO) birinshi aýyr salmaq dárejesi boiynsha álem chempiony ataǵynan aiyrdy, - dep habarlaidy Sports.kz.
Qaýymdastyq WBA Regular nusqasy boiynsha osy dárejede álem chempiony etip burynǵy «ýaqytsha» chempion, Belgiia sportshysy Riiad Merhidi jariialady. Ol kelesi jekpe-jeginde Kýba boksshysy Iýnier Dortikospen kezdesýi tiis. Taraptardyń kelissóz júrgizýine 30 kún berildi.
Eske sala ketsek, buǵan deiin WBA Merhidi Shúmenovtiń mindetti úmitkeri etip taǵaiyndaǵan, alaida taraptar kelisimge kele almady. 29 qańtarda Beibit Gollivýdta, AQSh-tyń Florida shtatynda Amerika boksshysy Rafael Miorfimen judyryqtasýy tiis edi, alaida qazaqstandyq boksshyǵa belgisiz sebeptermen judyryqtasýǵa ruqsat etilmedi.
Atap óteiik, Shúmenov 2018 jyly elordada túrik boksshysy Hizni Altýnkaiýdi (32-3, 19 KO) nokaýtqa túsirgen kezden beri ringke shyqqan joq.
«WBA sheshimi ishki erejelerge negizdelip shyǵaryldy. WBA-nyń ózine usynǵan talai múmkindikterdi paidalanyp, jasaǵan suranystaryna qaramastan, Shúmenov óz titýlyn otyz aidan astam ýaqyt qorǵamaǵan. Sol sebepti ol chempion ataǵynan aiyrylyp, endi WBA-nyń birinshi aýyr salmaqtaǵy álem chempiony bolyp Merhi atandy», - delingen qaýymdastyq qaýlysynda.
