دٷنيەجٷزٸلٸك بوكس قاۋىمداستىعى (WBA) قازاقستاندىق بوكسشى بەيبٸت شٷمەنوۆتٸ (18-2, 12 KO) بٸرٸنشٸ اۋىر سالماق دەرەجەسٸ بويىنشا ەلەم چەمپيونى اتاعىنان ايىردى, - دەپ حابارلايدى Sports.kz.
قاۋىمداستىق WBA Regular نۇسقاسى بويىنشا وسى دەرەجەدە ەلەم چەمپيونى ەتٸپ بۇرىنعى «ۋاقىتشا» چەمپيون, بەلگييا سپورتشىسى ريياد مەرحيدٸ جارييالادى. ول كەلەسٸ جەكپە-جەگٸندە كۋبا بوكسشىسى يۋنيەر دورتيكوسپەن كەزدەسۋٸ تيٸس. تاراپتاردىڭ كەلٸسسٶز جٷرگٸزۋٸنە 30 كٷن بەرٸلدٸ.
ەسكە سالا كەتسەك, بۇعان دەيٸن WBA مەرحيدٸ شٷمەنوۆتٸڭ مٸندەتتٸ ٷمٸتكەرٸ ەتٸپ تاعايىنداعان, الايدا تاراپتار كەلٸسٸمگە كەلە المادى. 29 قاڭتاردا بەيبٸت گولليۆۋدتا, اقش-تىڭ فلوريدا شتاتىندا امەريكا بوكسشىسى رافاەل ميورفيمەن جۇدىرىقتاسۋى تيٸس ەدٸ, الايدا قازاقستاندىق بوكسشىعا بەلگٸسٸز سەبەپتەرمەن جۇدىرىقتاسۋعا رۇقسات ەتٸلمەدٸ.
اتاپ ٶتەيٸك, شٷمەنوۆ 2018 جىلى ەلوردادا تٷرٸك بوكسشىسى حيزني التۋنكايۋدٸ (32-3, 19 كو) نوكاۋتقا تٷسٸرگەن كەزدەن بەرٸ رينگكە شىققان جوق.
«WBA شەشٸمٸ ٸشكٸ ەرەجەلەرگە نەگٸزدەلٸپ شىعارىلدى. WBA-نىڭ ٶزٸنە ۇسىنعان تالاي مٷمكٸندٸكتەردٸ پايدالانىپ, جاساعان سۇرانىستارىنا قاراماستان, شٷمەنوۆ ٶز تيتۋلىن وتىز ايدان استام ۋاقىت قورعاماعان. سول سەبەپتٸ ول چەمپيون اتاعىنان ايىرىلىپ, ەندٸ WBA-نىڭ بٸرٸنشٸ اۋىر سالماقتاعى ەلەم چەمپيونى بولىپ مەرحي اتاندى», - دەلٸنگەن قاۋىمداستىق قاۋلىسىندا.
