Foto: ©️ Tengrinews.kz / Turar Qazanǵapov
Ishki ister ministrligi Astanadaǵy saýda-oiyn-saýyq ortalyǵynda bolǵan buzaqylyq deregi boiynsha tergeýdi jalǵastyryp jatyr, dep habarlaidy Polisia.kz Telegram-arnasy.
Vedomstvo málimetinshe, oqiǵa 18 maýsymda bolǵan. Astanadaǵy "Mega Silk Way" SOO-daǵy kafelerdiń birinde qoǵamdyq tártip buzylyp, kelýshilerdiń biri ekinshisin uryp-soqqan.
"Qazirgi ýaqytta osy fakt boiynsha Qylmystyq kodekstiń 293-babymen (Buzaqylyq) sotqa deiingi tergeý bastaldy, ol 5 jylǵa deiin bas bostandyǵynan aiyrýdy kózdeidi.
Ishki ister organdary barlyq qajetti jedel-tergeý is-sharalaryn júrgizýde. Olardyń nátijeleri boiynsha quqyqtyq baǵa beriletin bolady", - delingen vedomstvo habarlamasynda.
Aita keteiik, Ishki ister ministrligi taratqan habarlamada tóbeleske qatysýshynyń aty-jóni atalmaǵan. Bir kún buryn Úkimet kýlýarynda ishki ister ministriniń orynbasary Qairat Sóntaev bala kótergen er adamǵa jasalǵan shabýyldyń jai-japsaryn aityp, qaqtyǵysqa qatysýshylardyń biri ataqty boksshy Beibit Shúmenov ekenin rastaǵan bolatyn.
