فوتو: ©️ Tengrinews.kz / تۇرار قازانعاپوۆ
ٸشكٸ ٸستەر مينيسترلٸگٸ استاناداعى ساۋدا-ويىن-ساۋىق ورتالىعىندا بولعان بۇزاقىلىق دەرەگٸ بويىنشا تەرگەۋدٸ جالعاستىرىپ جاتىر, دەپ حابارلايدى Polisia.kz Telegram-ارناسى.
ۆەدومستۆو مەلٸمەتٸنشە, وقيعا 18 ماۋسىمدا بولعان. استاناداعى "Mega Silk Way" سوو-داعى كافەلەردٸڭ بٸرٸندە قوعامدىق تەرتٸپ بۇزىلىپ, كەلۋشٸلەردٸڭ بٸرٸ ەكٸنشٸسٸن ۇرىپ-سوققان.
"قازٸرگٸ ۋاقىتتا وسى فاكت بويىنشا قىلمىستىق كودەكستٸڭ 293-بابىمەن (بۇزاقىلىق) سوتقا دەيٸنگٸ تەرگەۋ باستالدى, ول 5 جىلعا دەيٸن باس بوستاندىعىنان ايىرۋدى كٶزدەيدٸ.
ٸشكٸ ٸستەر ورگاندارى بارلىق قاجەتتٸ جەدەل-تەرگەۋ ٸس-شارالارىن جٷرگٸزۋدە. ولاردىڭ نەتيجەلەرٸ بويىنشا قۇقىقتىق باعا بەرٸلەتٸن بولادى", - دەلٸنگەن ۆەدومستۆو حابارلاماسىندا.
ايتا كەتەيٸك, ٸشكٸ ٸستەر مينيسترلٸگٸ تاراتقان حابارلامادا تٶبەلەسكە قاتىسۋشىنىڭ اتى-جٶنٸ اتالماعان. بٸر كٷن بۇرىن ٷكٸمەت كۋلۋارىندا ٸشكٸ ٸستەر مينيسترٸنٸڭ ورىنباسارى قايرات سٶنتاەۆ بالا كٶتەرگەن ەر ادامعا جاسالعان شابۋىلدىڭ جاي-جاپسارىن ايتىپ, قاقتىعىسقا قاتىسۋشىلاردىڭ بٸرٸ اتاقتى بوكسشى بەيبٸت شٷمەنوۆ ەكەنٸن راستاعان بولاتىن.
