QR Premer-Ministri Asqar Mamin qazaqstandyqtardy Jeńis kúnimen quttyqtady, dep habarlaidy "Ult aqparat".
***
«Qurmetti otandastar, Sizderdi Uly Jeńistiń 75 jyldyǵymen shyn júrekten quttyqtaimyn!
9-mamyr qazaqstandyq otbasylardyń basym kópshiligi úshin ulyq mereke, óitkeni biz búgin adamzat balasynyń tarihyndaǵy eń surapyl soǵysta qan keshken qaharman ul-qyzdardyń, ákelerimiz ben atalarymyzdyń, babalarymyzdyń óshpes batyrlyǵyn jadymyzda saqtap, zor qurmetpen eske alamyz.
Biz maidan dalasynda eren erliktiń úlgisin kórsetip, Jeńis jalaýyn jelbiretken batyr urpaqtyń, otty jyldarda tylda jankeshti eńbek etken ardagerlerimizdiń aldynda Otanymyzdy qorǵap, beibit ómir syilaǵany úshin taǵzym etemiz.
Ardagerlerge myqty densaýlyq, jaqyndarynyń qamqorlyǵy men jylýyn, mol qýanysh pen uzaq ǵumyr tileimin.
Táýelsiz elimizdiń kóginde árqashan tynyshtyq bolsyn!
