QR Parlamenti Senatynyń depýtaty Beibit Isabaev Qazaqstan halqy aldynda ant berdi, dep habarlaidy QazAqparat.
«Ózderińizge belgili, Memleket basshysynyń jarlyǵymen qańtar aiynda Beibit Isabaev Senat depýtaty bolyp taǵaiyndaldy.
Beibit Óksikbaiulyn bilikti jáne tájiribeli memleket qairatkeri retinde jaqsy bilesizder. Konstitýtsiialyq normalarǵa sáikes, jańadan taǵaiyndalǵan depýtat palata otyrysynda ant berýi tiis», - dedi Senat tóraǵasy Máýlen Áshimbaev.
Senattyń búgingi jalpy otyrysynda B. Isabaev depýtat retinde ant berdi.
«Qazaqstan halqyna adal qyzmet etýge, Qazaqstan Respýblikasynyń tutastyǵy men táýelsizdigin nyǵaitýǵa, onyń Konstitýtsiiasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin», - dedi ol.
Aita keteiik, biyl qańtar aiynda Beibit Isabaev Qazaqstan Respýblikasy Parlamenti Senatynyń depýtaty bolyp taǵaiyndaldy.
Ol Senattyń Áleýmettik-mádeni damý jáne ǵylym komitetiniń tóraǵasy laýazymyna sailandy.
