Syrtqy ister ministri Beibit Atamqulov Túrki Akademiiasynyń prezidenti Darhan Qydyrálimen kezdesti, dep habarlaidy "Ult aqparat" SIM baspasóz qyzmetine silteme jasap.
Kezdesýde taraptar Túrki Akademiiasy qyzmetiniń 2018 jylǵy qorytyndylaryn talqylap, bolashaqtaǵy yntymaqtastyqtyń perspektivalyq baǵdarlaryn bekitti.
Taraptar 2019 jylda ótkizýge josparlanǵan Túrkitanýshylardyń dúniejúzilik kongresine daiyndyq jumystarynyń barysyn talqyǵa saldy.
Suhbat barysynda aiqyndalǵandai, Túrkitanýshylardyń dúniejúzilik kongresi barsha túrki álemine mańyzy zor oqiǵa bolyp, dúniejúzilik túrkitanýdyń qaita órkendeýine jáne osy ǵylymnyń aǵymdaǵy kúiin, jetistikterin, máseleleri men perspektivalary tereń saraptalyp, jańa kózqarastan ótkizýge orasan zor yqpal etedi.
B. Atamqulov túrki yntymaqtastyǵynyń damýy jańa bir kezeńinde ótip jatqanyn jáne Memleket basshysy túrki integratsiiasyna óte mańyzdy mán beretinin atap ótti.
«Túrki halyqtarynyń arasynda baýyrlas qatynastardy nyǵaitý men túrkitaný ǵylymyn túrki órkenietiniń jetekshisi retinde damytý, sondai-aq Prezident Nursultan Nazarbaevtyń «Uly dalanyń jeti qyry» atty baǵdarlamalyq maqalasynda bekitilgen qaǵidattardy júzege asyrý qajettilikterin eskere kele, ministrlik osy suraqtarǵa zor nazaryn aýdaratynyn jáne josparlanǵan is-sharalardy uiymdastyrý men ótkizýde jan-jaqty qolǵabys kórsetedi», - dedi ministr.
Darhan Qydyráli Syrtqy ister ministrlik tarapynan Akademiia qyzmetine kórsetiletin qolǵabys úshin úlken alǵysyn bildirdi.
Kezdesý sheńberinde ol 2019 jyldyń ortasynda IýNESKO shtab-páterinde (Parij q.) Túrki Akademiiasyna múshe-memleketter ǵalymdarynyń qatysýymen ótetin «Uly dala: mádeni mura men dúniejúzilik tarihyndaǵy róli» atty is-shara jóninde aqparat berdi.
