Resei Qazaqstannyń iri investorlarynyń «jetiligine» kirip otyr. Qazaqstan men Reseidiń jalpy somasy 2,7 mlrd dollardy quraityn birlesken 16 investitsiialyq joba bar. Resei SIM basshysy Sergei Lavrovpen kezdesken QR Syrtqy ister ministri Beibit Atamqulov osylai málim etti.
«Resei Federatsiiasy Qazaqstanmen syrtqy saýda ainalymynda 19 paiyzdy alyp otyr. 2018 jyldyń qorytyndylary boiynsha bizde ózara tiimdi saýdanyń ósimi baiqalǵan. Qańtar-qarasha ailaryndaǵy ainalym 15,7 mlrd AQSh dollaryn quraǵan. Bul 2017 jyldyń osyndai kezeńimen salystyrǵanda 6 paiyzǵa kóp», - dedi B.Atamqulov.
«Resei Federatsiiasy - Qazaqstan ekonomikasynyń iri jeti investorynyń qatarynda. Qazirgi kezde Qazaqstan men Reseidiń jalpy somasy 2,7 mlrd AQSh dollardy quraityn birlesken 16 investitsiialyq jobasy bar. Bul túrli salalar - taý-metallýrgiia jáne himiia ónerkásibi, agroónerkásip kesheni jáne mashina qurylysyndaǵy jobalar», - dep atap ótti ol.
