Qazaqstan Respýblikasynyń Syrtqy ister ministri Beibit Atamqulov Máskeýde Resei Federatsiiasynyń Syrtqy ister ministri Sergei Lavrovpen kezdesti, dep habarlaidy "Ult aqparat" ministrliktiń baspasóz qyzmetine silteme jasap.
Kezdesý barysynda syrtqy saiasi vedomstvolar basshylary saiasi jáne ekonomikalyq salalardaǵy ekijaqty yntymaqtastyqtyń qazirgi ahýaly men keleshegin talqylady, sondai-aq óńirlik jáne halyqaralyq kún tártibiniń túrli aspektileri boiynsha pikir almasty.
«Suhbattastar Qazaqstan-Resei qarym-qatynastarynyń dástúrli joǵary deńgeiin belgiledi. B. Atamqulov Prezident Nursultan Nazarbaev Qazaqstan halqyna joldaýynda eki eldiń qarym-qatynasyn sipattai otyryp, olardy memleketaralyq qarym-qatynastardyń úlgisi ekendigin atap ótti», - delingen habarlamada.
Syrtqy saiasattyń ekonomikalyq quramdas bóligin nyǵaitý jónindegi QR Syrtqy ister ministrligine júktelgen mindetterdi eskere otyryp, saýda-investitsiialyq yntymaqtastyq máselelerine, kólik-tranzit, otyn-energetika jáne áskeri-tehnikalyq saladaǵy jaǵdai men bolashaqqa, sondai-aq Baiqońyr kesheni boiynsha yntymaqtastyqqa erekshe nazar aýdaryldy.
Kelissózderdiń mańyzdy bóligi retinde eki eldiń óńirlik integratsiialyq birlestikter sheńberindegi ózara áreketi boldy.
Kelissózder barysynda Qazaqstannyń BUU Qaýipsizdik Keńesine turaqty emes músheligi qorytyndylanyp, kópjaqty formattaǵy Qazaqstan-Resei yntymaqtastyǵy talqylandy. Eki vedomstvo basshylary halyqaralyq kún tártibindegi ózekti máseleler boiynsha óz ustanymdaryn tekserip, óńirlik jáne jahandyq qaýipsizdikti qamtamasyz etýge baǵyttalǵan kúsh-jigerdi úilestirýge qyzyǵýshylyq tanytty.
Kezdesý qorytyndysy boiynsha Qazaqstan men Resei syrtqy saiasi vedomstvolary arasyndaǵy 2019-2020 jyldarǵa arnalǵan yntymaqtastyq is-sharalary josparyna qol qoiyldy.
Jalpy alǵanda, syndarly syrtqy saiasi yntymaqtastyqtyń mańyzdylyǵy men eki jaqty yntymaqtastyqty keńeitý jáne tereńdetý, integratsiialyq bailanystardy, óńirlik turaqtylyq pen qaýipsizdikti nyǵaitý múddesi boiynsha kúsh-jigerdi úilestirýdiń mańyzdylyǵy atap ótildi.
Taraptar SIM-aralyq ózara is-qimylyn odan ári jyljytýdyń ózara rýhyn rastady.
Ministrliktiń málimetinshe, Qazaqstan Syrtqy saiasi vedomstvo jańa basshysynyń alǵashqy ekijaqty sapary RF Syrtqy ister ministriniń shaqyrýymen ótti.
