Memleket basshysynyń jarlyǵymen Beibit Atamqulov QR Syrtqy ister ministri bolyp taǵaiyndaldy, dep habarlaidy "Ult aqparat" Aqordaǵa silteme jasap.
"Beibit Bákiruly Atamqulov Qazaqstan Respýblikasynyń Syrtqy ister ministri bolyp taǵaiyndalsyn, ol Qazaqstan Respýblikasynyń Qorǵanys jáne aeroǵarysh ónerkásibi ministri qyzmetinen bosatylsyn" delingen Elbasy jarlyǵynda.
Beibit Bákiruly Atamqulov 1964 jyly 19 mamyrda Almaty oblysynda dúniege kelgen.
1986 jyly V.I. Lenin atyndaǵy Qazaq politehnikalyq institýtyn injener-metallýrg mamandyǵy boiynsha aiaqtady. 2000 jyly Sankt-Peterbor ekonomika jáne qarjy memlekettik ýniversitetin támamdady, ekonomika ǵylymdarynyń kandidaty.
1985 jyldan bastap - A.P. Zaveniagin atyndaǵy Norilsk taý-ken metallýrgiia kombinatynyń Jez balqytý zaýytynda balqytýshy.
1986 jyldan bastap - Shymkent qorǵasyn zaýytynyń balqytýshysy, sheber, rafirlengen tsehtyń aǵa sheberi t.b. jumystardy atqardy.
1991 jyldan bastap 2006 jyl boiynsha jeke sektorda - ónerkásip kásiporyndarynda eńbek etti.
2006 jyldan bastap - Keńesshi, RF-ǵy QR Elshisiniń Keńesshi-ýákili.
2007 jyldan bastap - Irandaǵy Qazaqstan Respýblikasy Elshisiniń Keńesshi-ýákili.
2008 jyldan bastap - Maindaǵy Frankfýrt qalasyndaǵy Qazaqstan Respýblikasynyń Bas konsýly.
2010 jyldan bastap - Malaiziia, Indoneziia Respýblikasy, Brýnei-Darýssalam, Filippin Respýblikasynda QR Tótenshe jáne Ókiletti Elshisi.
2012 jyldan bastap - Qazaqstan Respýblikasy Indýstriia jáne jańa tehnologiialar ministrliginiń Jaýapty hatshysy.
2014 jyldan bastap - Qazaqstan Respýblikasy Investitsiialar jáne damý ministrliginiń Jaýapty hatshysy.
2015 jyldan bastap Ońtústik Qazaqstan oblysynyń ákimi.
2016 jyldyń qazan aiynda Qorǵanys jáne aeroǵarysh ónerkásibi ministri bolyp taǵaiyndalǵan bolatyn.
