2021 jyldyń 2 aiynda farmatsevtika ónerkásibinde óndiris kólemi 9,2 paiyzǵa artty. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Farmatsevtika ónerkásibinde óndiris kólemi 9,2 paiyzǵa artty. Shyǵarylatyn ónim kólemi «Himfarm» aktsionerlik qoǵamynda 3 ese jáne «Nobel Almaty farmatsevtikalyq fabrikasynda» 27 paiyzǵa ulǵaidy. Saladaǵy ósim negizinen halyqtyń dárilik zattar men meditsinalyq buiymdarǵa degen suranysynyń artýy esebinen boldy», - dedi 2021 jyldyń qańtar-aqpanynda eldiń áleýmettik-ekonomikalyq damýy jaiynda baiandaǵan ministr.
Onyń dereginshe, jeńil ónerkásipte óndiris 3,5 paiyz ósti. Oǵan kiimniń jáne bylǵary ónimderdiń ulǵaiýy áser etti.
«Dezinfektsiialyq quraldar men mineraldyq tyńaitqyshtarǵa suranystyń artýy himiia ónerkásibiniń óndiris kólemin arttyrdy. Ósim 14,1 paiyz qurady. Qurylys materialdary óndirisi 122,9 paiyz boldy. Oǵan portland-tsement, gips óndirisiniń artýy esebinen qol jetkizildi», - dedi ministr.
