2021 جىلدىڭ 2 ايىندا فارماتسەۆتيكا ٶنەركەسٸبٸندە ٶندٸرٸس كٶلەمٸ 9,2 پايىزعا ارتتى. بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى قازاقپارات.
«فارماتسەۆتيكا ٶنەركەسٸبٸندە ٶندٸرٸس كٶلەمٸ 9,2 پايىزعا ارتتى. شىعارىلاتىن ٶنٸم كٶلەمٸ «حيمفارم» اكتسيونەرلٸك قوعامىندا 3 ەسە جەنە «نوبەل الماتى فارماتسەۆتيكالىق فابريكاسىندا» 27 پايىزعا ۇلعايدى. سالاداعى ٶسٸم نەگٸزٸنەن حالىقتىڭ دەرٸلٸك زاتتار مەن مەديتسينالىق بۇيىمدارعا دەگەن سۇرانىسىنىڭ ارتۋى ەسەبٸنەن بولدى», - دەدٸ 2021 جىلدىڭ قاڭتار-اقپانىندا ەلدٸڭ ەلەۋمەتتٸك-ەكونوميكالىق دامۋى جايىندا بايانداعان مينيستر.
ونىڭ دەرەگٸنشە, جەڭٸل ٶنەركەسٸپتە ٶندٸرٸس 3,5 پايىز ٶستٸ. وعان كيٸمنٸڭ جەنە بىلعارى ٶنٸمدەردٸڭ ۇلعايۋى ەسەر ەتتٸ.
«دەزينفەكتسييالىق قۇرالدار مەن مينەرالدىق تىڭايتقىشتارعا سۇرانىستىڭ ارتۋى حيمييا ٶنەركەسٸبٸنٸڭ ٶندٸرٸس كٶلەمٸن ارتتىردى. ٶسٸم 14,1 پايىز قۇرادى. قۇرىلىس ماتەريالدارى ٶندٸرٸسٸ 122,9 پايىز بولدى. وعان پورتلاند-تسەمەنت, گيپس ٶندٸرٸسٸنٸڭ ارتۋى ەسەبٸنەن قول جەتكٸزٸلدٸ», - دەدٸ مينيستر.
