Eldegi aqyly joldarda 2013 jylǵy tarif qoldanylyp otyr. Indýstriia jáne infraqurylymdyq damý ministri Beibit Atamqulov halyq aldyndaǵy esebi kezinde osnydai málimet aitty, dep habarlaidy QazAqparat.
«Tarifke keletin bolsaq, Qazaq jol ǵylymi-zertteý institýtynyń mamandary aýyr júk kólikteri úshin «38» degen san usynǵan bolatyn. Biraq ministrlik pen salalyq vedomstvo bul tarifti bekitken joq. Qazir 2013 jylǵy tarif qoldanylyn otyr. Aqyly negiz birtindep aqaýsyz ýchaskelerge ǵana engiziledi», - dedi ministr.
Sondai-aq ol tólemaqy stavkalary jańa ýchaskelerde de saqtalatynyn eskertti.
«Kórshi elderde aqyly júie talaidan beri bar. Ondaǵy tariftik mólsherlemeler Qazaqstanmen salystyrǵanda áldeqaida joǵary. Salystyryp qarasaq, Reseide júk mashinalary 1 km úshin 22 teńge tóleidi, Italiia men Germaniiada - orta eseppen 70 teńge, Belarýste - 80 teńge tóleidi, al Horvatiiada júk kóligi úshin jolda júrý 122 teńge turady», - dedi Beibit Atamqulov.
Ministrliktiń resmi deregi boiynsha, qazir elimizdiń aqyly joldarynda tarif jeńil avtomobil úshin 1 shaqyrymǵa - 1 teńge.
Al avtobýstar úshin otyrǵyzý oryndarynyń sanyna bailanysty bir shaqyrymǵa 5-ten 15 teńgege deiin qubylady.
Aýyr júk kólik ieleri bir shaqyrymǵa 5 teńgeden 25 teńgege deiin tóleidi.
