ەلدەگٸ اقىلى جولداردا 2013 جىلعى تاريف قولدانىلىپ وتىر. يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ حالىق الدىنداعى ەسەبٸ كەزٸندە وسنىداي مەلٸمەت ايتتى, دەپ حابارلايدى قازاقپارات.
«تاريفكە كەلەتٸن بولساق, قازاق جول عىلىمي-زەرتتەۋ ينستيتۋتىنىڭ ماماندارى اۋىر جٷك كٶلٸكتەرٸ ٷشٸن «38» دەگەن سان ۇسىنعان بولاتىن. بٸراق مينيسترلٸك پەن سالالىق ۆەدومستۆو بۇل تاريفتٸ بەكٸتكەن جوق. قازٸر 2013 جىلعى تاريف قولدانىلىن وتىر. اقىلى نەگٸز بٸرتٸندەپ اقاۋسىز ۋچاسكەلەرگە عانا ەنگٸزٸلەدٸ», - دەدٸ مينيستر.
سونداي-اق ول تٶلەماقى ستاۆكالارى جاڭا ۋچاسكەلەردە دە ساقتالاتىنىن ەسكەرتتٸ.
«كٶرشٸ ەلدەردە اقىلى جٷيە تالايدان بەرٸ بار. ونداعى تاريفتٸك مٶلشەرلەمەلەر قازاقستانمەن سالىستىرعاندا ەلدەقايدا جوعارى. سالىستىرىپ قاراساق, رەسەيدە جٷك ماشينالارى 1 كم ٷشٸن 22 تەڭگە تٶلەيدٸ, يتالييا مەن گەرمانييادا - ورتا ەسەپپەن 70 تەڭگە, بەلارۋستە - 80 تەڭگە تٶلەيدٸ, ال حورۆاتييادا جٷك كٶلٸگٸ ٷشٸن جولدا جٷرۋ 122 تەڭگە تۇرادى», - دەدٸ بەيبٸت اتامقۇلوۆ.
مينيسترلٸكتٸڭ رەسمي دەرەگٸ بويىنشا, قازٸر ەلٸمٸزدٸڭ اقىلى جولدارىندا تاريف جەڭٸل اۆتوموبيل ٷشٸن 1 شاقىرىمعا - 1 تەڭگە.
ال اۆتوبۋستار ٷشٸن وتىرعىزۋ ورىندارىنىڭ سانىنا بايلانىستى بٸر شاقىرىمعا 5-تەن 15 تەڭگەگە دەيٸن قۇبىلادى.
اۋىر جٷك كٶلٸك يەلەرٸ بٸر شاقىرىمعا 5 تەڭگەدەن 25 تەڭگەگە دەيٸن تٶلەيدٸ.
