Din isteri jáne azamattyq qoǵam ministriniń orynbasary Abzal Núkenov belgili bir dini kiimderge tyiym salatyn zańdy keleke etýdiń qajeti joqtyǵyn aitty, - dep habarlaidy "Ult aqparat" kaz.tengrinews.kz portalyna silteme jasap.
"Búgin din salasyndaǵy memlekettik saiasattyń kontseptsiiasy talqylanyp jatyr. Bul kontseptsiia aiasynda zań jobasy talqylanyp jatyr. Túrli variatsiia bar, birinshiden adamnyń betin tumshalap, kim ekenin anyqtaýǵa múmkindik bermeitin kiimderge tyiym salý qarastyrylyp jatyr. Ózge tustar áli sóz bolǵan joq. Bul másele de sheshilgen joq. Ol memlekettik organdarda kelisilip, Parlamentte talqylanýy kerek. Sońynda Prezident sheshim qabyldaidy. Sondyqtan alda áli úlken júmys kútip tur. Sondyqtan santimetr men millimetrlerdi kúlki etýdiń qajeti joq, - deidi vitse-ministr OKQ-daǵy brifing kezinde.
Onyń aitýynsha, bul máselelerdi sarapshylar jáne dini birlestiktermen birige jumys istep jatqan jumys toby talqylap jatyr.
"Tyiymǵa qatysty Qazaqstan ejelden toleranttyǵy men bai dástúrimen maqtana alatyn. Zań bizdiń tarihi qundylyǵymyzǵa keri áser etedi dep oilamaimyn. Qoǵamda túsinistik bolý kerek", - dep atap ótti ol.
