Foto: ashyq derekkóz
Qazaqstan Prezidenti Qasym-Jomart Toqaev adamnyń túr-sipatyn tanýǵa kedergi keltiretin kiimderdi kiiýge shekteý engizetin zańǵa qol qoidy. Bul tyiym tek zańmen belgilengen erekshe jaǵdailarda ǵana qoldanylmaidy, dep habarlaidy Ult.kz.
Qujatqa sáikes, bet-júzdi jabatyn kiimdi kiiýge qyzmettik mindetterdi oryndaý kezinde, meditsinalyq qajettilikterge bailanysty, aýa raiynan qorǵaný úshin, azamattyq qorǵanys maqsatynda, sondai-aq sporttyq jáne mádeni is-sharalarǵa qatysý jaǵdailarynda ǵana ruqsat etiledi.
Zańnamada: «Qoǵamdyq oryndarda adamnyń bet-júzin tanýǵa kedergi keltiretin kiim kiiýge tyiym salynady. Bul talap qyzmettik mindetterdi atqarý, meditsinalyq qajettilik, azamattyq qorǵanys, aýa raiynyń erekshelikteri jáne sporttyq nemese mádeni is-sharalarǵa qatysýshylarǵa qoldanylmaidy», – dep kórsetilgen.
Bul túzetýler quqyq qorǵaý salasyn jetildirý, turǵyn úimen qamtamasyz etý jáne áskeri qyzmetshilerdiń áleýmettik qorǵalýyn kúsheitýge baǵyttalǵan zańnamalyq ózgerister sheńberinde engizildi.
