Ekologiia ministrligi demalys kúnderi jergilikti ákimdik pen IIM ókilderimen birge Sileti sý qoimasyna kezekti qoǵamdyq reid júrgizdi, dep habarlaidy "Ult aqparat" vedomstvonyń baspasóz qyzmetine silteme jasap.
Sý qoimasyna elimizdegi eń bir taza ózenniń biri - Sileti aǵyp keledi. Al Bestóbe shatqaly astanadan shamamen 200 shaqyrym. Adamdar osynda demalýǵa kelgender qaldyratyn qoqysqa, olardyń tabiǵatqa taǵylyqpen qaraýyna, belgilenbegen jerde shomylatynyna shaǵym aityp jatyr.
«Biz demalyp jatqandarmen áńgimelesip, qoqysty jinadyq. Eger bárimiz birge tártipke keltirý sharalaryn qabyldamaityn bolsaq, erteń demalatyn taza jer qalmaidy. Turǵyndardyń arasyndaǵy túsindirý jumysyn quramynda 1,5 mln bala bar «Jas ulan» jastar uiymynyń jas kómekshileriniń járdemimen júrgizemiz. Bizdiń tabiǵatty aialaý týraly dárisimizdi estigen balalar úige kelgen soń, ata-analarynyń da qorshaǵan ortaǵa qamqorlyqpen qaraýyn ótinedi», - deidi ministrliktiń Ekologiialyq retteý jáne baqylaý komiteti tóraǵasynyń orynbasary Ermek Omarov.
Ekologiia ministrligi kezekti ret el azamattaryn tabiǵatta demalýdyń qarapaiym qaǵidasyn saqtaýǵa, qoqysty qaldyrmai alyp ketýge, qorshaǵan ortaǵa ziian keltirmeýge shaqyrady. Áitpese memleket ekologiialyq zańnamany buzýshylardy qatań jazalaýǵa májbúr bolmaq.
Ministrlik qazaqstandyqtar basqalardyń tabiǵatqa ziian keltirýine bei-jai qaramaýǵa, ondai jaǵdai oryn alyp jatsa týraly qaýyrt jelige habarlaýyn suraidy.
Ekologiia ministrligi adamdar demalatyn jerlerge, onyń ishinde erekshe qorǵalatyn aýmaqtarǵa qoǵamdyq reid júrgizýdi jalǵastyrmaq.
