Sotta memlekettik aiyptaýshy qarjy piramidasynyń eki uiymdastyrýshysy men menedjeriniń kinásin dáleldedi, dep habarlaidy "Ult aqparat".
Astana qalasynyń prokýratýrasynyń habarlaýynsha, piramidanyń mánine sáikes, «Shanyrak Plus» baǵdarlamasy boiynsha turǵyn úi alý úshin 103 AQSh dollaryn sala otyryp artynan eki salymshyny tartyp jáne olardyń árqaisysy ósý tártibimen taǵy eki salymshy shaqyrýy tiis, osylaisha ierarhiialyq qurylymda deńgeiler qurý bolyp tabylady.
Kompaniia qyzmetiniń barlyq kezeńinde, iaǵni 2020 jyldyń qazanynan bastap 2021 jyldyń 31 jeltoqsanyna deiin «Shanyrak Plus» baǵdarlamasy boiynsha 45 salymshynyń eshqaisysy qajetti tabys, sondai-aq turǵyn úi almaǵan jáne jalpy zalal somasy 107 mln. teńgeden astam qarajatty quraǵan.
Sot úkimimen 7 jylǵa deiin kommertsiialyq jáne kommertsiialyq emes uiymdarda basshylyq qyzmetterdi atqarý quqyǵynan aiyra otyryp, uiymdastyrýshylardyń árqaisysy 6 jylǵa, sybailasy 5 jyl 6 aiǵa bas bostandyǵynan aiyrý jazasyna sottaldy.
Keltirilgen shyǵyn sottalǵandardan óndirildi.
Qala prokýratýrasy azamattardy saq bolýǵa jáne kúmándi uiymdarǵa jarna salýdan bas tartýǵa shaqyrady.
Úkim zańdy kúshine endi.
