سوتتا مەملەكەتتٸك ايىپتاۋشى قارجى پيراميداسىنىڭ ەكٸ ۇيىمداستىرۋشىسى مەن مەنەدجەرٸنٸڭ كٸنەسٸن دەلەلدەدٸ, دەپ حابارلايدى "ۇلت اقپارات".
استانا قالاسىنىڭ پروكۋراتۋراسىنىڭ حابارلاۋىنشا, پيراميدانىڭ مەنٸنە سەيكەس, «Shanyrak Plus» باعدارلاماسى بويىنشا تۇرعىن ٷي الۋ ٷشٸن 103 اقش دوللارىن سالا وتىرىپ ارتىنان ەكٸ سالىمشىنى تارتىپ جەنە ولاردىڭ ەرقايسىسى ٶسۋ تەرتٸبٸمەن تاعى ەكٸ سالىمشى شاقىرۋى تيٸس, وسىلايشا يەرارحييالىق قۇرىلىمدا دەڭگەيلەر قۇرۋ بولىپ تابىلادى.
كومپانييا قىزمەتٸنٸڭ بارلىق كەزەڭٸندە, ياعني 2020 جىلدىڭ قازانىنان باستاپ 2021 جىلدىڭ 31 جەلتوقسانىنا دەيٸن «Shanyrak Plus» باعدارلاماسى بويىنشا 45 سالىمشىنىڭ ەشقايسىسى قاجەتتٸ تابىس, سونداي-اق تۇرعىن ٷي الماعان جەنە جالپى زالال سوماسى 107 ملن. تەڭگەدەن استام قاراجاتتى قۇراعان.
سوت ٷكٸمٸمەن 7 جىلعا دەيٸن كوممەرتسييالىق جەنە كوممەرتسييالىق ەمەس ۇيىمداردا باسشىلىق قىزمەتتەردٸ اتقارۋ قۇقىعىنان ايىرا وتىرىپ, ۇيىمداستىرۋشىلاردىڭ ەرقايسىسى 6 جىلعا, سىبايلاسى 5 جىل 6 ايعا باس بوستاندىعىنان ايىرۋ جازاسىنا سوتتالدى.
كەلتٸرٸلگەن شىعىن سوتتالعانداردان ٶندٸرٸلدٸ.
قالا پروكۋراتۋراسى ازاماتتاردى ساق بولۋعا جەنە كٷمەندٸ ۇيىمدارعا جارنا سالۋدان باس تارتۋعا شاقىرادى.
ٷكٸم زاڭدى كٷشٸنە ەندٸ.
