© Photo : Pexels / Tima Miroshnichenko
Shymkent qalasynda bes jigit kámelet jasqa tolmaǵan qyzdy zorlady. Qazirgi kezde sotqa deiingi tergeý sharalary bastaldy, dep habarlaidy Sputnik Qazaqstan agenttigi.
Áleýmettik jelidegi videoda 15 jastaǵy qyzdyń ókili bes jigit qylmysty qalai jasaǵanyn aitqan. Onyń sózine qaraǵanda, jasóspirimdi lodjiiada qamap qoiǵan. Keiin úidiń iesi ony asúige kirgizip, zorlaǵan. Odan keiin dostary kezek-kezek kirgen.
Shymkent qalalyq politsiia departamentiniń aqparatqa sáikes, bul qylmys Abai aýdanynda tirkelgen. Qazirgi kezde Qylmystyq kodekstiń 120-baby, 3-bóligi ("Zorlaý, adamdar tobymen jasalǵan áreket") boiynsha sotqa deiingi tergeý sharalary bastaldy. Oqiǵanyń mán-jaiy anyqtalyp jatyr.
Aita keteri, osy qylmys úshin toǵyz jyldan on eki jylǵa deiingi merzimge bas bostandyǵynan aiyrý jazasy qarastyrylǵan.
