video kadry
Elordalyq sot týysynyń kishkentai qyzdy uryp jatqany túsirilgen video boiynsha sheshim shyǵardy, - dep habarlaidy Tengrinews.kz saity.
Video áleýmettik jelige 14 tamyzda shyqqan. Politsiia aqparatyna súiensek, bes jasar qyz balabaqshaǵa barǵysy kelmei, narazylyq bildirgen. Buǵan onyń 17 jastaǵy týys ápkesi ashýlanyp, qol jumsaǵan. 17 tamyzda elordalyq sot is boiynsha sheshim shyǵardy.
"Astananyń ákimshilik quqyq buzýshylyqtar jónindegi mamandandyrylǵan aýdanaralyq soty uryp-soǵý deregi boiynsha (ÁQBtK-niń 73-2-baby 1-1-bóligi) A.-ǵa qatysty is qarady. Sot A. kámeletke tolmaǵan J.-ǵa balabaqshaǵa barǵysy kelmei narazylyq bildirgeni úshin fizikalyq kúsh qoldanǵannan aýyrsyný týyp, densaýlyǵyna jeńil ziian keltirgenin anyqtady", - delingen habarlamada.
Sot málimetinshe, qyzdyń kinási moiyndaý aiǵaqtary, zańdy ókildiń túsindirmesi, ákimshilik quqyq buzýshylyq týraly hattamasy, beinejazba jáne istiń basqa materialdary arqyly dáleldengen.
"A. balanyń ata-anasymen tatýlasyp, olar aryz bergennen keiin sot qaýlysymen is toqtatyldy (ÁQBtK 64-babynyń 1-1-bóligi)", - dep qosty sot.
Sot sheshimi zańdy kúshine engen joq.
