Bes jasar qyz kitap jazyp, álemdik rekord ornatty, - dep habarlaidy Massaget.kz portaly lenta.ru saityna silteme jasap.
UPI basylymynyń málimetinshe, ulybritaniialyq Bella Djei Dark bes jasynda kitap shyǵarǵan. Osylaisha álemdik rekord ornatyp otyr. Ol - qyzdar arasynda óz týyndysyn shyǵaryp, myńnan asa danamen satqan eń jas qalamger. Bul kórsetkish - rekord retinde tirkeýdiń basty sharty.
Kishkentai qyz kitaptaǵy oqiǵany óz betinshe oilap taýyp qana qoimai, "Joǵalǵan mysyq" dep atalatyn kitabyna arnap sýretter salǵan.
"Joldasym ekeýmiz ony qatty maqtan tutamyz. Bul - joǵalǵan mysyq týraly jáne onyń anasyz júrýge bolmaitynyn túsingeni týraly oqiǵa. Meniń oiymsha, onyń maǵynasy jaqsy", - dedi qyzdyń anasy Chelsi Saim.
