© Sputnik / Abzal Kaliev
Qaraǵandy oblystyq soty Lenin atyndaǵy shahtada bolǵan jarylysqa qatysty appeliiatsiialyq shaǵymdy qarady, dep habarlaidy oblystyq sotynyń baspasóz qyzmeti.
Birinshi satydaǵy sot úkimin Shahtinsk qalalyq soty shyǵarǵan bolatyn.
“Birinshi satydaǵy sot úkimimen jaýapty 4 maman Lenin atyndaǵy shahtanyń bas injeneri, aýysym bastyǵy bola otyryp, taý-ken jumystaryn júrgizý kezinde qaýipsizdik erejelerin buzǵany, jarylys tolqyny saldarynan bes shahter qaza tapqany, tórt shahterdiń densaýlyǵyna ortasha jáne aýyr ziian keltirgeni úshin Qylmystyq Kodekstiń 277-baby 3 bóligimen ártúrli merzimge bas bostandyǵynan aiyryldy”, - delingen sot habarlamasynda.
Alaida sottalǵandar birinshi satydaǵy sot úkimimen kelispei, onyń kúshin joiýdy jáne olardyń áreketterinde qylmystyq quqyq buzýshylyq quram joq dep, ózderin aqtaýdy surady.
Apelliatsiialyq satydaǵy sot málimetinshe, istiń naqty mán-jailary durys anyqtalǵan.
“Taý jynystarynyń bremsberg óndirisinen kóteriletin gazdy drenajdy jáne drenajdy uńǵymalardy burǵylaý jumystaryn júrgizý kezinde gaz ben shańnyń kóp mólsheri shyǵarylǵan, shekti normadaǵy metanmen gazdanǵan. Ári qarai, ushqyn paida bolyp, metan gazy janǵan. Saldarynan jarylys boldy”, - delingen habarlamada.
Jarylys saldarynan bes shahter oqiǵa ornynda qaitys bolyp, tórt shahterdiń densaýlyǵyna ortasha jáne aýyr ziian keltirildi.
Sottalǵandardyń kinási tolyq dáleldengen.
“Sot alqasy Qylmystyq Kodekstiń 277-babynyń 3-bóligi boiynsha sottalǵandardyń kinásiniń dáleldengeni jáne biliktiliginiń durystyǵy týraly sot qorytyndylarymen kelisti. Sot sottalǵandarǵa jasalǵan quqyq buzýshylyqtyń sipaty men qoǵamdyq qaýiptilik dárejesin, olardyń jeke basyn eskere otyryp, QK-niń 277-babynyń 3-bóliginiń sanktsiiasy sheginde jaza taǵaiyndady”, - deidi Qaraǵandy oblystyq sotynyń baspasóz qyzmeti.
Sot alqasy birinshi satydaǵy sot úkimin ózgerissiz qaldyrdy.
Eske sala keteiik, 2022 jyly 3 qarashada túngi 3-te "ArselorMittal Temirtaýǵa" qaraityn Shahtinsk qalasyndaǵy Lenin atyndaǵy shahtada jarylys boldy. 106 jumysshy evakýatsiialanyp, bes shahter qaitys boldy, taǵy tórt jumysshy aýrýhanaǵa jatqyzyldy.
