Atmosferalyq aǵyndardyń ótýine bailanysty 20 mamyr kúni jańbyr jaýady. Tek batysta, ońtústik-batysta jaýyn-shashynsyz kún raiy saqtalady. Respýblikanyń kei aimaqtarynda naizaǵai, tuman, jeldiń kúsheiýi, daýyl kútiledi, burshaq jaýýy múmkin. Ońtústiktiń kei jerlerinde shańdy daýyl boljanady, dep habarlaidy "Ult aqparat".
«Qazgidromet» RMK málimetinshe, Almaty oblysynyń kei jerlerinde naizaǵai kútiledi, túnde Jalańashkól aýdanynda jel 17-22 m/s kúsheiedi.
Shyǵys Qazaqstan, Qaraǵandy oblystarynyń kei jerlerinde naizaǵai, daýyl boljanady, jeldiń ekpini 25 m/s artady. Shyǵys Qazaqstan oblysynda burshaq jaýýy múmkin. Qaraǵandy oblysynda tuman kútiledi.
Qyzylorda oblysynyń kei jerlerinde naizaǵai, shańdy daýyl kútiledi, burshaq jaýýy múmkin, jeldiń kúshi 23 m/s jetedi.
Soltústik Qazaqstan oblysynda kei jerlerde naizaǵai, daýyl boljanady, burshaq jaýýy yqtimal, jel 15-20 m/s kúsheiedi.
Qostanai oblysynda naizaǵai, tuman, burshaq kútiledi, kúndiz kei jerlerde jel 15-20 m/s jyldamdyqpen soǵady.
Aqmola oblysynda kei jerlerde naizaǵai, tuman kútiledi, jel 15-20 m/s kúsheiedi.
Jambyl, Túrkistan oblystarynda tańerteń jáne kúndiz kei jerlerde naizaǵai oinaidy, jel 15-20 m/s artady.
Jambyl oblysynda daýyl turyp, burshaq jaýýy múmkin.
Kúndiz Pavlodar oblysynda kei jerlerde naizaǵai, burshaq kútiledi, jeldiń ekpini - 18 m/s.
Kúndiz Aqtóbe oblysynyń kei jerlerinde jel 15-20 m/s kúsheiedi.
Aqmola, Soltústik Qazaqstan, Aqtóbe, Qaraǵandy, Batys Qazaqstan oblystarynyń kei jerlerinde úsik kútiledi - 1-3 gradýs.
Qyzylorda, Túrkistan oblystarynyń jekelegen aýmaqtarynda joǵary órt qaýpi saqtalady.
