Qazaqstannyń bes meditsinalyq JOO-da oqý protsesi tolyq avtomattandyryldy, dep habarlaidy "Ult aqparat" QR Densaýlyq saqtaý ministrligine silteme jasap.
Meditsinalyq joǵary oqýǵa túsýden bastap, diplom men qosymshalar berý isi de avtomattandyryldy. Bul júie meditsinalyq bilimniń erekshelikterin eskere otyryp jasalǵan jáne oqý, ákimshilik, uiymdastyrý, esep-taldaý protsessteri basqarmalaryn avtomattandyrady.
Tsifrlyq tehnologiianyń engizilýimen stýdentterdiń barlyq oqý jetistikterin elektrondy formatta saqtaýǵa kómektesti, bul synaq kitapshasy men stýdenttik bilettiń qaǵaz nusqasynan bas tartýǵa múmkindik beredi.
Ár oqýshynyń bul júiede akkaýnty men biregei ID nomeri bolady. Jeke kabinette stýdentter barlyq qajetti aqparattyq resýrstarǵa, elektrondyq qyzmetterge (transkript, elektrondy stýdenttik bilet, normativtik qujattar, oqý baǵdarlamalary, oqý-ádistemelik materialdar) qol jetkize alady.
Aita keteiik, 2019-2020 jyldary Qaraǵandy meditsinalyq ýniversitetinde halyqaralyq standarttarǵa sáikes keletin MIFARE ID smart-kartasyn engizý bastaldy. Bul karta paidalanýshylarǵa kóptegen múmkindikterdi ashady: ony tólem kartasy, oqý ornyna joldama, stýdenttik jáne kitaphana kartalary, jataqhana bólmesiniń elektrondy kilti retinde qoldanýǵa bolady.
