قازاقستاننىڭ بەس مەديتسينالىق جوو-دا وقۋ پروتسەسٸ تولىق اۆتوماتتاندىرىلدى, دەپ حابارلايدى "ۇلت اقپارات" قر دەنساۋلىق ساقتاۋ مينيسترلٸگٸنە سٸلتەمە جاساپ.
مەديتسينالىق جوعارى وقۋعا تٷسۋدەن باستاپ, ديپلوم مەن قوسىمشالار بەرۋ ٸسٸ دە اۆتوماتتاندىرىلدى. بۇل جٷيە مەديتسينالىق بٸلٸمنٸڭ ەرەكشەلٸكتەرٸن ەسكەرە وتىرىپ جاسالعان جەنە وقۋ, ەكٸمشٸلٸك, ۇيىمداستىرۋ, ەسەپ-تالداۋ پروتسەسستەرٸ باسقارمالارىن اۆتوماتتاندىرادى.
تسيفرلىق تەحنولوگييانىڭ ەنگٸزٸلۋٸمەن ستۋدەنتتەردٸڭ بارلىق وقۋ جەتٸستٸكتەرٸن ەلەكتروندى فورماتتا ساقتاۋعا كٶمەكتەستٸ, بۇل سىناق كٸتاپشاسى مەن ستۋدەنتتٸك بيلەتتٸڭ قاعاز نۇسقاسىنان باس تارتۋعا مٷمكٸندٸك بەرەدٸ.
ەر وقۋشىنىڭ بۇل جٷيەدە اككاۋنتى مەن بٸرەگەي ID نومەرٸ بولادى. جەكە كابينەتتە ستۋدەنتتەر بارلىق قاجەتتٸ اقپاراتتىق رەسۋرستارعا, ەلەكتروندىق قىزمەتتەرگە (ترانسكريپت, ەلەكتروندى ستۋدەنتتٸك بيلەت, نورماتيۆتٸك قۇجاتتار, وقۋ باعدارلامالارى, وقۋ-ەدٸستەمەلٸك ماتەريالدار) قول جەتكٸزە الادى.
ايتا كەتەيٸك, 2019-2020 جىلدارى قاراعاندى مەديتسينالىق ۋنيۆەرسيتەتٸندە حالىقارالىق ستاندارتتارعا سەيكەس كەلەتٸن MIFARE ID سمارت-كارتاسىن ەنگٸزۋ باستالدى. بۇل كارتا پايدالانۋشىلارعا كٶپتەگەن مٷمكٸندٸكتەردٸ اشادى: ونى تٶلەم كارتاسى, وقۋ ورنىنا جولداما, ستۋدەنتتٸك جەنە كٸتاپحانا كارتالارى, جاتاقحانا بٶلمەسٸنٸڭ ەلەكتروندى كٸلتٸ رەتٸندە قولدانۋعا بولادى.
