Búgin elordadaǵy «Jekpe-jek» saraiynda KWU kiokýshinkaidan erler jáne áielder arasyndaǵy álem chempionatyny bastaldy, dep habarlaidy Sport jáne dene shynyqtyrý isteri komitetiniń baspasóz qyzmeti.
Álem chempionaty 15 salmaq dárejesi boiynsha ótýde. Erler toǵyz (60, 65, 70, 75, 80, 85, 90, 95 jáne 95 kg joǵary) jáne áielder alty salmaqta (50, 55, 60, 65, 70 jáne 70kg joǵary) baq synaýda.
Jalpy, álemniń 54 elinen 301 sportshy qatysýda. Búgin jartylai final men shirek finaldyq kezdesýler uiymdastyryldy.
Finaldyq kezdesýge: erler arasynda 70 kelige deiingi salmaq dárejesinde Erkebulan Beisembaev, 85 kelige deiingi salmaqta Vladimir Artiýshin, áielder arasynda 50 kelige deiingi salmaqta Ýstiýgova Liýdmila, 60 kelige deiingi salmaqta Ekaterina Gýrova, 70 kelige deiingi salmaqta finalǵa Alemgýl Sabyrhan ótti.
On sportshy: 60 kelige deiingi salmaqta Temirlan Jánibek, 75 kelige deiingi salmaqta Kovalenko Artýr, Sádýaqasov Nurlyhan, 95 kelige deiingi salmaqta Garas Nikita, 90 kelige deiingi salmaqta Súiinov Merei; áielder arasynda 55 kg deiingi salmaqta finalǵa Ioanna Belyh, 60 kg deiingi salmaqta Elizaveta Lipova, 65 kg deiin Toǵyzbaeva Elnara, 70 keliden joǵary Jaqsybaeva Ajar jáne Bochina Lidiia qola júldeger atandy.
Finaldyq kezdesýler erteń «Jekpe-Jek» saraiynda ótedi.
Chempionattyń uiymdastyrýshylary – Qazaqstannyń jaýyngerlik óner qaýymdastyǵy, Kyokushin World Union Halyqaralyq qaýymdastyǵy. Álem chempionaty Qazaqstanda ótip jatqandyqtan ulttyq qurama eki qurammen óner kórsetýde.
