1 aqpan kúni Almatyda Eýraziialyq úkimetaralyq keńestiń Úkimet basshylary deńgeiindegi otyrysy ótedi, dep habarlaidy "Ult aqparat".
«Sonymen qatar 2019 jylǵa arnalǵan dástúrli ekijaqty jáne kópjaqty kúntártibimiz de jetkilikti. Memleket basshylary deńgeiinde aldyn ala baǵalaýǵa sáikes 7 shara, Syrtqy ister ministrleri deńgeiinde shamamen 12 shara ótetindigi kútiledi. Osy aptada, 1 aqpanda Almatyda bizdiń elderimizdiń Úkimet basshylary Eýraziialyq úkimtaralyq keńestiń otyrysyna qatysady», - dedi QR Syrtqy ister ministri Beibit Atamqulov reseilik áriptesi Sergei Lavrovpen kelissózder barysynda.
Sonymen qatar QR Syrtqy ister ministri 29 mamyrda Astanada Memleket basshylary deńgeiinde Joǵary Eýraziialyq ekonomikalyq keńes ótkizý josparlanǵanyn aitty. Munan bólek, kúzde Ombyda Memleket basshylarynyń qatysýymen QR men RF óńiraralyq yntymaqtastyǵynyń 16-forýmyn, sonymen qatar yntymaqtastyq jónindegi úkimetaralyq komissiianyń 21-otyrysyn ótkizý kózdelip otyr.
Al Sergei Lavrov qazaqstandyq áriptesin BUU Qaýipsizdik keńesiniń 2017-2018 jyldardaǵy turaqty emes múshesi retinde tabysty jumys atqarýymen quttyqtady.
«Dostarymyzdyń Siriia jónindegi joǵary deńgeidegi halyqaralyq kezdesýge járdemi de óte baǵaly boldy. Mundai kezekti kezdesý kelesi aidyń ortasynda Astanada ótetindigi josparlanǵan. Sonymen birge Qazaqstannyń Aqtaý qalasynda Kaspii teńiziniń quqyqtyq mártebesi týraly konventsiianyń 20 jyldyq kelissózderden keiin qol qoiylýymen quttyqtaimyn. Búgin eki syrtqy saiasat vedomstvosy arasyndaǵy taiaý 2 jylǵa arnalǵan yntymaqtastyq jónindegi sharalar josparyna qol qoiamyz», - dep atap ótti ol.
QR SIM derekterine sáikes, Qazaqstan men Reseidiń ózara taýar ainalymy qańtar-qarasha aralyǵynda 15,7 mlrd dollarǵa jetti. Bul 2017 jyldyń osyndai kezeńimen salystyrǵanda 6 paiyzǵa kóp.
