Foto: Zello.poisk
Aqtóbede bir kún buryn iz-túzsiz ketken erli-zaiyptylardyń óli denesi tabyldy. Qaiǵyly oqiǵa týraly aqparatty oblystyq Politsiia departamenti rastady, dep habarlaidy Ult.kz saity Orda.kz-ke silteme jasap.
Bul otbasyny izdeýge jergilikti eriktiler men tártip saqshylary jumyldyrylǵan bolatyn. Týystary men jaqyndary olardyń aman tabylaryna sońǵy sátke deiin úmittengen edi. Alaida, búgin sýyt habar jetti. Jubailardyń jansyz denesi qala syrtynan tabyldy.
Politsiianyń aldyn ala málimeti boiynsha, oqiǵa ornynda qandy qylmystyń izi sairap jatyr. Sarapshylar qazir aiǵaqtardy jinap, tergeý júrgizýde.
«Áieldiń denesin tekserý barysynda onyń zorlyqpen óltirilgeni anyqtaldy. Al kóp uzamai onyń kúieýiniń de asylyp turǵan denesi tabyldy. Qazirgi tańda sot-meditsinalyq saraptamalar taǵaiyndalyp, qylmystyq is qozǵaldy», – dep málimdedi vedomstvo ókilderi.
Quqyq qorǵaý organdary qarastyryp otyrǵan negizgi nusqalardyń biri – otbasylyq janjal. Boljam boiynsha, er adam aldymen áielin óltirip, artynsha óz-ózine qol jumsaǵan bolýy múmkin.
Derekkózderdiń málimetinshe, marqumdardyń artynda kámeletke tolmaǵan bes balasy jetim qaldy.
