kórneki foto: abdulvahapkara.com
Germaniiadaǵy Mustafa Shoqaidyń ziraty buzylmaidy. Bul týraly Syrtqy ister ministrliginiń resmi ókili Aibek Smadiiarov aitty, dep habarlady Halyq Uni.
Smadiiarov Germaniiadaǵy elshilik qyzmetkeri áleýmettik jelide taraǵan aqparatty teksergenin atap ótti.
"Bizdiń elshiliktiń (Qazaqstannyń Germaniiadaǵy elshiligi) qyzmetkeri sonda baryp, zirattyń qyzmetkerlerimen sóilesti. Ol foto, videoǵa túsirip, jaǵdaidy óz kózimen kórdi. Mustafa Shoqaidyń ziraty ornynda. Ol eshqaida kóshirilmeidi. Egerde bir jaǵdai bolsa, Germaniia tarapy bizge eskertedi. Sondyqtan mundai ótirik aqparatty taratýdy toqtatý kerek", - dep jaýap berdi.
Túrkiiada turatyn tarihshy ǵalym, shoqaitanýshy, Mimar Sinan kórkemóner ýniversitetiniń professory Ábdýaqap Qara da atalǵan aqparatty joqqa shyǵardy.
Aita keteiik, qazaqtyń birtýar memleket qairatkeri Mustafa Shoqai 1941 jyly 27 jeltoqsan kúni Berlinde qaitys bolǵan. Marqumnyń jubaiy Mariia Gorina túrki áleminiń tarihi tulǵasyna ainalǵan Mustafa Shoqaidyń denesin Berlindegi túrik ziratyna jerleýge muryndyq boldy.
