Germaniiaǵa sapary sheńberinde Qazaqstan Syrtqy ister ministriniń orynbasary Marǵulan Baimuhan birqatar jumys kezdesýlerin ótkizdi, dep habarlaidy "Ult aqparat" syrtqy saiasat vedomostvosynyń baspasóz qyzmetine silteme jasap.
Elimizge qyzyǵýshylyq bildiretin birqatar nemis kompaniialarynyń basshylyǵymen jáne Germaniia Syrtqy ister ministrliginiń Memlekettik hatshysy Migel Bergermen kezdesip, eki memleket arasyndaǵy óńirlik yntymaqtastyq pen qaýipsizdik jónindegi ózekti máselelerdi talqylady.
Sondai-aq otandyq diplomat qazaqstan-german saýda-ekonomikalyq jáne investitsiialyq ózara is-qimyl máseleleri boiynsha mańyzdy alań bolyp tabylatyn Berlin eýraziialyq klýbynyń 30-shy mereitoilyq otyrysyna qatysty. Otyrys barysynda Eýropalyq odaqtyń «Green Deal» baǵdarlamasyn jáne Qazaqstan men EO arasyndaǵy Keńeitilgen áriptestik pen yntymaqtastyq týraly kelisimdi iske asyrý, «jasyl energetika» jáne jańartylatyn energiia kózderin paidalaný, EO-nyń «jasyl» jáne tsifrlyq ekonomikaǵa kóshýge qajetti shikizattyń syni mańyzdy túrlerin jetkizý salalaryndaǵy ekijaqty qazaqstan-german yntymaqtastyǵy máseleleri qarastyryldy.
Is-sharany Qazaqstannyń Berlindegi Elshiligi men «Kazakh Invest» UK» AQ German ekonomikasynyń shyǵys komitetimen (GEShK) birlesip uiymdastyrdy. Ózekti epidemiialyq ahýalǵa bailanysty otyrys gibrid formatynda ótkizildi.
Klýb otyrysyn Qazaqstan Premer-Ministriniń orynbasary Roman Skliar, Syrtqy ister ministriniń orynbasary M. Baimuhan, Germaniia Syrtqy ister ministrliginiń Memlekettik hatshysy M. Berger jáne GEShK Basqarma tóraǵasy Oliver Germes ashty. Taqyryptyq baiandamalardy Qazaqstannyń Geologiia, ekologiia jáne tabiǵi resýrstar vitse-ministri Serikqqali Brekeshev, «Respýblikalyq taý-ken óndirýshileri jáne taý-ken metallýrgiialyq kásiporyndardyń respýblikalyq qaýymdastyǵy» ZTB Atqarýshy direktory Nikolai Radostovets, «DERA» Germaniianyń shikizat agenttiginiń jetekshisi Peter Býhholts, Nemis energetikalyq agenttiginiń (dena) basshysy Andreas Kýlman, Jasyl tehnologiialar jáne investitsiialyq jobalar ortalyǵynyń Basqarma tóraiymy Janna Qazjanova men «REDPATH DEILMANN GmbH» kompaniiasynyń basqarýshy direktory Iohan Grainaher jasady.
Pikirtalasqa sonymen qatar eki eldiń úkimettik jáne iskerlik toptarynyń, salalyq biznes qaýymdastyqtarynyń ókilderi, onyń ishinde Qazaqstannyń Germaniiadaǵy Elshisi Dáýren Káripov, «Volkswagen», «BMW», «SAP», «Knorr-Bremse», «Deutsche Bahn», «Weidmüller Holding», «Henkel», «Linde», «Hermann Paus Maschinenfabrik GmbH», «DMT GmbH» jáne t.b. kompaniialardyń basshylary qatysty.
Óziniń kirispe sózinde R. Skliar «jasyl ekonomikany» damytý Qazaqstanda tiisti saiasattyń negizgi baǵyttarynyń biri ekendigin atap ótti. Ol ónerkásipti energiia tiimdi tsifrlandyrýdyń damý keleshigine, tómen kómirtekti damýda jáne qorshaǵan ortany qorǵaýda energiiany únemdeýdiń róline nazar aýdaryp, geologiia jáne jer qoinaýyn paidalaný salasyndaǵy reformalar týraly baiandady.
Óz kezeginde M. Berger 2020 jyldyń 1 shildesinde bastalǵan Germaniianyń EO Keńesine alty aiǵa rotatsiialyq tóraǵalyǵy sheńberinde qoiylǵan mindetterdi júzege asyrý barysy týraly aityp ótti. COVID-19 pandemiiasymen qatar, eń mańyzdy jobalardyń biri 2050 jylǵa deiin «klimattyń beitaraptylyǵyna» jetýge maqsattalǵan eýropalyq «Green Deal» baǵdarlamasy bolyp tabylady.
Sonymen birge, M. Baimuhan elimizdiń klimatty qorǵaý jónindegi jahandyq kúsh-jigerine beiildigin atap ótti jáne «jasyl» tehnologiialardyń Qazaqstanda da, «jasyl ólshemderdi» saqtaýǵa tyrysatyn basqa elderde de ekonomikalyq ósý men áleýmettik ál-aýqattyń áleýetti katalizatory retinde mańyzdy rólin atap ótti.
Paneldik pikir almasý barysynda «jasyl energetika» salasyndaǵy yntymaqtastyqty keńeitý múmkindikteri boiynsha jemisti pikirtalas ótti. Taraptar 2012 jyldyń 8 aqpanynda Qazaqstan men Germaniia arasynda qol qoiylǵan Shikizattyq, ónerkásiptik jáne tehnologiialyq seriktestik týraly úkimetaralyq kelisim sheńberinde yntymaqtastyqty belsendetý boiynsha birlesken qadamdardy qarastyrdy. BEK otyrysyna qatysýshylar sonymen birge pandemiianyń ekijaqty bailanystarǵa jaǵymsyz saldaryn azaitý úshin is-qimyldardy úilestirýdi jalǵastyrýǵa nietin bildirdi.
Aita keter bolsaq, Berlin eýraziialyq klýby 2012 jyly QR Tuńǵysh Prezidenti Nursultan Nazarbaev pen Germaniianyń burynǵy vitse-kantsleri, syrtqy ister ministri Hans-Ditrih Gensherdiń bastamasy boiynsha quryldy. Klýb beiformaldy dialog alańy retinde Qazaqstannyń, Germaniianyń jáne Eýropanyń basqa memleketteriniń saiasatkerleri, halyqaralyq bailanystar jónindegi sarapshylary, ǵylymi-qoǵamdyq jáne iskerlik toptarynyń ókilderi úshin ashyq. 2019 jyldyń jeltoqsanda BEK-tiń 28-shi otyrysyna qatysýshylardyń aldynda Memleket basshysy Qasym-Jomart Toqaev sóz sóilep, ekijaqty yntymaqtastyqtyń qoǵamdyq-saiasi jáne saýda-ekonomikalyq máseleleriniń keń spektrin talqylaý úshin BEK-tiń belgili alań retindegi mańyzdylyǵyn erekshe atap ótken bolatyn.
Agroónerkásiptik salasyndaǵy yntymaqtastyqqa arnalǵan BEK-tiń 29-shy otyrysy 2020 jyldyń 24 maýsymynda Memleket basshysynyń tapsyrmasy boiynsha nemis investorlarmen jumys boiynsha úkimettik jumys tobyna jetekshilik etken Qazaqstan Premer-Ministriniń orynbasary R. Skliardyń tóraǵalyǵymen onlain formatta bolǵan edi.
