Jambyl oblysy ákimdigi ishki saiasat basqarmasynyń basshysy bolyp Qurmanǵali Berik Ýáliuly taǵaiyndaldy, dep habarlaidy "Ult aqparat".
«Jambyl oblysy ákiminiń 2018 jylǵy 21 maýsymdaǵy №98-J/Q ókimimen Qurmanǵali Berik Ýáliuly Jambyl oblysy ákimdigi ishki saiasat basqarmasynyń basshysy bolyp taǵaiyndaldy», - delingen óńir ákimdiginiń resmi saitynda.
Qurmanǵali Berik Ýáliuly 1977 jyly týǵan, bilimi joǵary, 1997 jyly T.Júrgenov atyndaǵy Qazaq memlekettik teatr jáne kino institýtyn «kinotanýshy», 2005 jyly Ál-Farabi atyndaǵy Qazaq ulttyq ýniversitetin «jýrnalistika», 2014 jyly Qazaq innovatsiialyq gýmanitarlyq-zań ýniversitetin «quqyqtaný» mamandyqtary boiynsha bitirgen.
1997-2012 jyldar aralyǵynda «Habar» Agenttigi» AQ-nyń, «TAŃ» telekompaniiasynyń, «NTK» telearnasynyń, «31 kanal» JShS-niń jýrnalisi, aqparattyq baǵdarlamalarynyń redaktory, «Nur Media» JShS-niń jemqorlyqqa qarsy media ortalyǵynyń jetekshisi, 2012-2015 jyldary Ońtústik Qazaqstan oblysy ákimi apparaty basshysynyń orynbasary - baspasóz qyzmetiniń basshysy, ishki saiasat jáne din isteri basqarmasynyń basshysy, 2015-2016 jyldary «Nur Otan» partiiasy tóraǵasy Birinshi orynbasarynyń keńesshisi, 2016-2018 jyldary QR Investitsiialar jáne damý ministriniń keńesshisi, Aqparattyq qamtamasyz etý departamentiniń direktory qyzmetterin atqarǵan.
