QR Prezidentiniń baspasóz hatshysy Berik Ýáli Facebook paraqshasynda memlekettik organdar tarapynan beriletin qujattardy tsifrlandyrý protsesi qalai júrgizilip jatqany týraly aqparatpen bólisti, dep habarlaidy "Ult aqparat".
QR Prezidenti Qasym-Jomart Toqaev ótken jyly Qazaqstan halqyna Joldaýynda: «Halyqqa elektrondy servisterdi paidalanýǵa qolaily jaǵdai jasap, memlekettik qyzet kórsetý isinde de, jeke sektorda da biometriiany qoldanýdyń naqty sharalaryn qabyldaǵan jón», - dep naqty tapsyrma bergen bolatyn.
Búginde osy tapsyrmany júzege asyrý aiasynda mobildik azamattar bazasynda tirkelgen nómirge birjolǵy habarlama túrinde qupiia sózdi joldaý arqyly qyzmettergeqol qoiý tetigi iske asyryldy.
Qazirgi ýaqytta birjolǵy habarlama túrindegi qupiia sóz arqyly qol qoiyp, 120-dan astam memlekettik qyzmet túrin jáne servis alýǵa bolady. Egov portalynda QR-kod arqyly memlekettik qyzmetterge qol qoiý qyzmeti iske qosyldy. Adamnyń bet-álpetin biometriialyq sáikestendirý arqyly qashyqtan ETsQ alýdyń pilottyq jobasy ázirlenip, iske qosyldy.
Qyzmettiń osy túri iske qosylǵaly beri jeke jáne zańdy tulǵalar úshin 2,3 millionnan astam ETsQ shyǵaryldy.
Sonymen qatar Memleket basshysy jeke kýálikter, diplomdar men júrgizýshi kýálikteriniń elektrondyq nuqasyn engizý jáne memlekettik organdardyń jumysyn tsifrlandyrý protsesterin qamtamasyz etý kerektigin tapsyrǵan bolatyn
Atalǵan tapsyrma aiasynda qazirgi ýaqytta eGov mobile mobildi qosymshasynda kelesi qujattardyń tsifrlyq nusqasy qoljetimdi.
- jeke kýálik,
- júrgizýshi kýáligi,
- týý týraly kýálik,
- neke qiiý kýáligi,
- aty-jónin, ákesiniń atyn ózgertý týraly kýálik,
- neke buzý týraly kýálik,
- elektrondy tehnikalyq qujat,
- PTR taldamasynyń nátijeleri,
stýdent bileti,
- bilim alǵany týraly diplom.
Tsifrlyq qujattar qaǵaz túrindegi túpnusqanyń elektrondyq nusqasy jáne QR-kod túrinde jasalady.
