Prezident Aýǵanstan bosqyndary týraly sheshim qabyldaǵan joq. Prezidenttiń baspasóz hatshysy Berik Ýáli Facebook-tegi paraqshasynda osylai jazdy, dep habarlaidy «QazAqparat» HAA» AQ.
«Prezident Aýǵanstan bosqyndary týraly sheshim qabyldaǵan joq. Buǵan qatysty taraǵan aqparat negizsiz. Dúniejúzilik uiym basshylyǵy resmi ótinish bildirgen jaǵdaida BUU qyzmetkerlerine ǵana kómek kórsetiletin bolady», delingen habarlamada.
Eske sala ketsek, WhatsApp messendjerinde Qazaqstanǵa Aýǵanstannyń 70 000 azamaty keledi degen qaýeset tarady. QR SIM bul aqparatty joqqa shyǵardy.
Aita keterligi, Memleket basshysy Qasym-Jomart Toqaev Prezident Ákimshiligi men Syrtqy ister ministrligine Aýǵanstanǵa qatysty máseleler boiynsha memlekettik organdardyń qyzmetin úilestirý tapsyrdy.
«Prezident Ákimshiligi men Syrtqy ister ministrligine Aýǵanstanǵa qatysty máseleler boiynsha memlekettik organdardyń qyzmetin úilestirý tapsyryldy. Kabýldaǵy Qazaqstan elshiligi shaǵyn quramda jumys isteýde. Qyzmetkerlerdiń qaýipsizdigin qamtamasyz etý sharalary qabyldanyp jatyr», - dep jazdy QR Prezidenti Twitter-degi paraqshasynda.
