پرەزيدەنت اۋعانستان بوسقىندارى تۋرالى شەشٸم قابىلداعان جوق. پرەزيدەنتتٸڭ باسپاسٶز حاتشىسى بەرٸك ۋەلي Facebook-تەگٸ پاراقشاسىندا وسىلاي جازدى, دەپ حابارلايدى «قازاقپارات» حاا» اق.
«پرەزيدەنت اۋعانستان بوسقىندارى تۋرالى شەشٸم قابىلداعان جوق. بۇعان قاتىستى تاراعان اقپارات نەگٸزسٸز. دٷنيەجٷزٸلٸك ۇيىم باسشىلىعى رەسمي ٶتٸنٸش بٸلدٸرگەن جاعدايدا بۇۇ قىزمەتكەرلەرٸنە عانا كٶمەك كٶرسەتٸلەتٸن بولادى», دەلٸنگەن حابارلامادا.
ەسكە سالا كەتسەك, WhatsApp مەسسەندجەرٸندە قازاقستانعا اۋعانستاننىڭ 70 000 ازاماتى كەلەدٸ دەگەن قاۋەسەت تارادى. قر سٸم بۇل اقپاراتتى جوققا شىعاردى.
ايتا كەتەرلٸگٸ, مەملەكەت باسشىسى قاسىم-جومارت توقاەۆ پرەزيدەنت ەكٸمشٸلٸگٸ مەن سىرتقى ٸستەر مينيسترلٸگٸنە اۋعانستانعا قاتىستى مەسەلەلەر بويىنشا مەملەكەتتٸك ورگانداردىڭ قىزمەتٸن ٷيلەستٸرۋ تاپسىردى.
«پرەزيدەنت ەكٸمشٸلٸگٸ مەن سىرتقى ٸستەر مينيسترلٸگٸنە اۋعانستانعا قاتىستى مەسەلەلەر بويىنشا مەملەكەتتٸك ورگانداردىڭ قىزمەتٸن ٷيلەستٸرۋ تاپسىرىلدى. كابۋلداعى قازاقستان ەلشٸلٸگٸ شاعىن قۇرامدا جۇمىس ٸستەۋدە. قىزمەتكەرلەردٸڭ قاۋٸپسٸزدٸگٸن قامتاماسىز ەتۋ شارالارى قابىلدانىپ جاتىر», - دەپ جازدى قر پرەزيدەنتٸ Twitter-دەگٸ پاراقشاسىندا.
