Qazaqstan Respýblikasy Densaýlyq saqtaý ministriniń 2020 jylǵy 21 sáýirdegi №243 buiryǵyna sáikes Shárip Berik Sháripuly «SQ-Farmatsiia» JShS-iń basqarma tóraǵasy bolyp taǵaiyndaldy.
«Ol 2018 jyldyń mamyr aiynan bastap kompaniia basqarmasy tóraǵasynyń orynbasary qyzmetimen qatar «SQ-Farmatsiia» JShS basqarma tóraǵasynyń mindetin atqarýshy qyzmetin atqardy, dep habarlaidy QR Densaýlyq saqtaý ministrliginiń baspasóz qyzmeti.
Eńbek jolyn Astana qalasy boiynsha qalalyq jedel meditsinalyq járdem stantsiiasynyń kóshpeli brigadasynyń feldsheri retinde bastaǵan, Astana qalasynyń Birinshi qalalyq aýrýhanasynyń hirýrgiia bólimshesiniń, JITS-pen kúres ortalyǵynyń dárigeri bolǵan. Astana qalasy men OQO densaýlyq saqtaý departamentterindegi ártúrli pozitsiialarda jumys istedi.
2009 jyldan 2012 jylǵa deiin «SQ – Farmatsiia» JShS basqarýshy direktory-basqarma múshesi, 2012 jyldan 2017 jylǵa deiin – «QR Prezidenti Is basqarmasy Meditsinalyq ortalyǵynyń aýrýhanasy» RMK strategiialyq damý jónindegi bas dárigerdiń orynbasary mindetterin atqardy. 2017 jyldyń tamyz aiynan bastap 2018 jyldyń mamyr aiyna deiin Qazaqstan Respýblikasy Densaýlyq saqtaý ministrligi Qoǵamdyq densaýlyq saqtaý komiteti tóraǵasynyń orynbasary bolyp jumys istedi.
Berik Shárip 1981 jyly týǵan. 2004 jyly Qazaq memlekettik meditsinalyq akademiiasyn emdeýshi, dáriger-hirýrg mamandyǵy boiynsha bitirip shyqty, 2009 jyly Qaztutyný odaǵynyń Qaraǵandy ekonomikalyq ýniversitetinde «Ekonomika salasyndaǵy quqyqtyq retteý» mamandyǵy boiynsha zańtaný bakalavry dárejesin aldy. 2012 jyly Halyqaralyq biznes akademiiasynda Iskerlik ákimshilik magistri, MBA dárejesin aldy. DBA-Resei halyq sharýashylyǵy jáne Memlekettik qyzmet akademiiasy (2016) jáne European university Business School, Switzerland 2017 jyly iskerlik ákimshiliktendirý doktorynyń dárejesine ie boldy.
