Astana qalasynda Qoǵamdyq damý vitse-ministri Berik Saqbaiuly Aryn balalary terroristik belsendiligi joǵary Siriia-Irak aimaqtaryna ketken ata-analarmen kezdesý ótkizdi. Jiynǵa QR azamattaryn elge qaitarý máseleri boiynsha múddeli memlekettik organdardyń ókilderi qatysty.
Kezdesýde Elbasymyz N.Á. Nazarbaevtyń Qazaqstan azamattaryn Siriiadan evakýatsiialaý jónindegi gýmanitarlyq sharanyń aiaqtalýyna bailanysty jasaǵan málimdemesine bailanysty atqarylyp jatqan sharalar talqylandy.
Atqarylǵan gýmanitarlyq sharanyń nátijesinde Siriiadan 47 azamatymyz, onyń ishinde 6 er azamat, 11 áiel azamat jáne 30 bala qutqarylyp, elge qaitarylǵany belgili.
Qazirgi tańda, elimizge oralǵan azamattar bir ai boiy beiimdeý ortalyǵynda qajetti meditsinalyq, ońaltý, beiimdeý jáne basqa da (balalardy qujattandyrý, balabaqshaǵa, mektepke ornalastyrý, áleýmettik kómek kórsetý, psihologiialyq kómek kórsetý jáne t.b.) kómek alatyn bolady.
2018 jylǵy 21 qarashada QR Qoǵamdyq damý ministrliginiń basshylyǵymen ótken kezdesýde týyndaǵan máselelerdiń tez arada sheshý joldaryn qarastyrý úshin eki jaqtan «Bailanys toby» qurylyp, oǵan ata-analar komiteti men Ministrlik ókilderi kirgen bolatyn. Bailanys toby tarapynan shetelde júrgen azamattardyń tizimi retke keltirilip, tiisti quzyrly organdarǵa berildi.
Kezdesý barysynda ata-analar tarapynan oralǵan balalardyń jeke qujattaryn rásimdeý, járdemaqy máselesin qaraý, shet eldegi týysqandarmen bailanysqa shyǵý jáne taǵy da basqa suraqtar qaralyp, olarǵa tolyq jaýap berildi.
Qoǵamdyq damý vitse-ministri Berik Aryn qaqtyǵys aimaǵyndaǵy QR azamattaryn elge qaitarý jáne olardy ońaltý boiynsha jumystar ári qarai da jalǵasa beretindigin jáne bul jumystarǵa barlyq múddeli memlekettik organdar atsalysýda ekendigin atap ótti.
Osy jumysty budan ári qarai «Bailanys toby» arqyly úilestirip otyrý týraly ýaǵdalasyldy.
