Qaraǵandy oblysynyń ákimi Jeńis Qasymbek Ulytaý aýdanynyń aktivine jańa ákimdi tanystyrdy. Bul óńirdi endi Berik Ábdiǵaliuly basqaratyn boldy, dep habarlaidy "Ult aqparat".
«Jańa ákimniń kandidatýrasyna aýdandyq máslihat depýtattary daýys berdi. Ol Ulytaý turǵyndaryna da belgili, sebebi 2010 jyly osy aýdandy basqarǵan», - delingen oblys ákimdiginiń resmi saitynda.
Berik Ábdiǵaliuly 1971 jyly Qaraǵandy oblysynyń Rýdnik kentinde dúniege kelgen. Mamandyǵy boiynsha - tarih jáne qoǵamtaný oqytýshysy. 1989 jyly Qaraǵandy oblystyq balalar kitaphanasynda kitaphanashy retinde eńbek jolyn bastaǵan. Ár jyldary QR Prezidenti janyndaǵy Qazaqstannyń strategiialyq zertteýler institýtynda jumys istedi. Bólim meńgerýshisi orynbasarynyń mindetin atqarǵan jáne basshy orynbasary laýazymynda bolǵan. Sondai-aq QR Mádeniet, aqparat jáne qoǵamdyq kelisim ministrliginiń Ishki saiasat departamenti direktorynyń orynbasary qyzmetin atqardy.
1999-2000 jyldary QR Qaýipsizdik Keńesiniń Taldaý ortalyǵy (Astana) meńgerýshisiniń orynbasary qyzmetin atqardy. 2001-2002 jyldary Temirtaý qalasy ákiminiń orynbasary laýazymynda bolǵan.
2012 jyly Jezqazǵan qalasynyń ákimi bolyp taǵaiyndaldy jáne osy jyly QR Premer-Ministriniń Keńsesine ótip, birinshi vitse-premerdiń keńesshisi boldy.
2013 jyly – Qaraǵandy oblysy ákiminiń orynbasary boldy.
Qazirgi ýaqytqa deiin QR Mádeniet jáne sport Ministriniń shtattan tys keńesshisi, QR Ulttyq muraǵatyndaǵy «Arhiv-2025» ǵylymi-ádistemelik ortalyǵyn basqardy.
