QR Bas prokýrory Jaqyp Asanov búgin baspasóz ókilderimen kezdesý ótkizip, shetel asyp ketken qazaq qarjysy týraly aityp berdi. Áńgime barysynda burynǵy Atyraý oblysynyń ákimi Bergei Rysqalievtiń sybailastary jymqyrǵan qarjy da sóz boldy, dep habarlaidy "Ult aqparat" Baq.kz portalyna silteme jasap.
«Mysaly úshin aitaiyq, bunda tergeý amaldary júrip jatqanda, Atyraý oblysynyń burynǵy ákiminiń esepshileri, urlanǵan jarty milliard dollar aqshany shetel asyryp úlgergen. Ózderi de qashyp ketip, qazir Angliiada typ-tynysh ómir súrip jatyr», - dedi Jaqyp Asanov.
Esterińizge sala keteiik, Atyraý oblysynyń burynǵy ákimi Bergei Rysqaliev memlekettiń aqshasyn jymqyrdy degen aiyp taǵylyp, 2014 jyly qylmystyq is qozǵalǵan bolatyn. Negizgi jaýapty tulǵalar naqty ustalmaǵanymen, syrttai sot bolyp, jaza kesilgen bolatyn. Alaida, Atyraý oblysynyń burynǵy ákimi Bergei Rysqaliev te, onyń aǵasy QR Parlamenti Májilisiniń burynǵy depýtaty Amanjan Rysqaliev te kúni búginge deiin halyqaralyq izdeýde.
