قر باس پروكۋرورى جاقىپ اسانوۆ بٷگٸن باسپاسٶز ٶكٸلدەرٸمەن كەزدەسۋ ٶتكٸزٸپ, شەتەل اسىپ كەتكەن قازاق قارجىسى تۋرالى ايتىپ بەردٸ. ەڭگٸمە بارىسىندا بۇرىنعى اتىراۋ وبلىسىنىڭ ەكٸمٸ بەرگەي رىسقاليەۆتٸڭ سىبايلاستارى جىمقىرعان قارجى دا سٶز بولدى, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
«مىسالى ٷشٸن ايتايىق, بۇندا تەرگەۋ امالدارى جٷرٸپ جاتقاندا, اتىراۋ وبلىسىنىڭ بۇرىنعى ەكٸمٸنٸڭ ەسەپشٸلەرٸ, ۇرلانعان جارتى ميلليارد دوللار اقشانى شەتەل اسىرىپ ٷلگەرگەن. ٶزدەرٸ دە قاشىپ كەتٸپ, قازٸر انگلييادا تىپ-تىنىش ٶمٸر سٷرٸپ جاتىر», - دەدٸ جاقىپ اسانوۆ.
ەستەرٸڭٸزگە سالا كەتەيٸك, اتىراۋ وبلىسىنىڭ بۇرىنعى ەكٸمٸ بەرگەي رىسقاليەۆ مەملەكەتتٸڭ اقشاسىن جىمقىردى دەگەن ايىپ تاعىلىپ, 2014 جىلى قىلمىستىق ٸس قوزعالعان بولاتىن. نەگٸزگٸ جاۋاپتى تۇلعالار ناقتى ۇستالماعانىمەن, سىرتتاي سوت بولىپ, جازا كەسٸلگەن بولاتىن. الايدا, اتىراۋ وبلىسىنىڭ بۇرىنعى ەكٸمٸ بەرگەي رىسقاليەۆ تە, ونىڭ اعاسى قر پارلامەنتٸ مەجٸلٸسٸنٸڭ بۇرىنعى دەپۋتاتى امانجان رىسقاليەۆ تە كٷنٸ بٷگٸنگە دەيٸن حالىقارالىق ٸزدەۋدە.
