Búgin Qazaqstan Respýblikasy Premer-Ministriniń birinshi orynbasary Asqar Mamin Almaty aglomeratsiiasynyń soltústik beldeýindegi Almaty qalasynyń 4 seriktes qalasynyń biri Geit sitidegi «Bereke» indýstrialdy aimaǵynyń qurylysymen tanysty, dep habarlaidy "Ult aqparat" Almaty oblysy ákimdiginiń resmi saityna silteme jasap.
Úkimet basshysynyń birinshi orynbasaryna ondaǵy injenerlik infraqurymynyń júrgizilý barysyn «Alataý» AQ direktory B. Tákenov aityp berdi. Onyń aitýynsha, Geit sitidegi indýstrialdy aimaqtyń aýmaǵy 383,3 ga. Búgingi kúnge munda 20,2 shaqyrym sýmen qamtý, 60,4 shaqyrym elektrmen qamtý, 10,2 shaqyrym gazben qamtý júielerimen qamatamasyz etilgen. 10 shaqyrymnan astam jol tóselgen.
Indýstrialdy aýmaqta 5 kásiporyn, atap aitqanda, reseilik «Eko Kýltýr» AQ men «Grinhaýz Kazahstan» JShS-nyń eki jylyjai kesheni, germaniialyq «Baýman GMBH i K» kompaniiasynyń et óńdeitin kesheni, «Nemish Pfarma» JShS farmatsevtikalyq kásiporyn, «French Fries Kompani» kompaniiasynyń kartop ósiretin kesheni ornalasqan.
Birinshi vitse-premer A. Mamin: «Qalanyń infraqurylymy daiyn, Qazir indýstrialdy aimaǵy, turǵyn aýmaǵy, logistikalyq aimaǵy igerilý ústinde. Memleket tarapynan investorlar tartýǵa barlyq qajetti jaǵdailar jasaldy. Endi investorlar tartý isimen belsendi ainalysý kerek», - dedi qorytyndy sózinde.
