بٷگٸن قازاقستان رەسپۋبليكاسى پرەمەر-مينيسترٸنٸڭ بٸرٸنشٸ ورىنباسارى اسقار مامين الماتى اگلومەراتسيياسىنىڭ سولتٷستٸك بەلدەۋٸندەگٸ الماتى قالاسىنىڭ 4 سەرٸكتەس قالاسىنىڭ بٸرٸ گەيت سيتيدەگٸ «بەرەكە» يندۋستريالدى ايماعىنىڭ قۇرىلىسىمەن تانىستى, دەپ حابارلايدى "ۇلت اقپارات" الماتى وبلىسى ەكٸمدٸگٸنٸڭ رەسمي سايتىنا سٸلتەمە جاساپ.
ٷكٸمەت باسشىسىنىڭ بٸرٸنشٸ ورىنباسارىنا ونداعى ينجەنەرلٸك ينفراقۇرىمىنىڭ جٷرگٸزٸلۋ بارىسىن «الاتاۋ» اق ديرەكتورى ب. تەكەنوۆ ايتىپ بەردٸ. ونىڭ ايتۋىنشا, گەيت سيتيدەگٸ يندۋستريالدى ايماقتىڭ اۋماعى 383,3 گا. بٷگٸنگٸ كٷنگە مۇندا 20,2 شاقىرىم سۋمەن قامتۋ, 60,4 شاقىرىم ەلەكترمەن قامتۋ, 10,2 شاقىرىم گازبەن قامتۋ جٷيەلەرٸمەن قاماتاماسىز ەتٸلگەن. 10 شاقىرىمنان استام جول تٶسەلگەن.
يندۋستريالدى اۋماقتا 5 كەسٸپورىن, اتاپ ايتقاندا, رەسەيلٸك «ەكو كۋلتۋر» اق مەن «گرينحاۋز كازاحستان» جشس-نىڭ ەكٸ جىلىجاي كەشەنٸ, گەرمانييالىق «باۋمان گمبح ي ك» كومپانيياسىنىڭ ەت ٶڭدەيتٸن كەشەنٸ, «نەميش پفارما» جشس فارماتسەۆتيكالىق كەسٸپورىن, «فرەنچ فريەس كومپاني» كومپانيياسىنىڭ كارتوپ ٶسٸرەتٸن كەشەنٸ ورنالاسقان.
بٸرٸنشٸ ۆيتسە-پرەمەر ا. مامين: «قالانىڭ ينفراقۇرىلىمى دايىن, قازٸر يندۋستريالدى ايماعى, تۇرعىن اۋماعى, لوگيستيكالىق ايماعى يگەرٸلۋ ٷستٸندە. مەملەكەت تاراپىنان ينۆەستورلار تارتۋعا بارلىق قاجەتتٸ جاعدايلار جاسالدى. ەندٸ ينۆەستورلار تارتۋ ٸسٸمەن بەلسەندٸ اينالىسۋ كەرەك», - دەدٸ قورىتىندى سٶزٸندە.
