Foto: QR SIM
Qazaqstanda áleýmettik mańyzy bar azyq-túlik taýarlarynyń baǵasyn baqylaý kúsheitilip, «Bereke Fest» atty keń kólemdi aktsiia bastalatyny habarlandy.
Bul týraly Saýda jáne integratsiia ministri Arman Shaqqaliev elimizdiń barlyq óńirlerinen kelgen 80-nen astam iri saýda jelileriniń ókilderimen ótken keńeitilgen otyrysta málimdedi.
Otyrysqa Qazaqstan saýda jelileri qaýymdastyǵy, oblys ákimderiniń orynbasarlary, sondai-aq Magnum Cash&Carry, Small&Skif, Anvar, Dina, Dana, Norma, Metro, Toimart, Galmart, INMART, Greenwich siiaqty saýda jelileri qatysty.
Baǵany baqylaý:
-
Áleýmettik mańyzy bar azyq-túlikke 15% mólsherindegi saýda ústemesin saqtaý mindeti eske salyndy.
-
Jyl basynan beri Ministrlik 2562 ákimshilik qaýly shyǵardy, onyń ishinde 56,5 mln teńgeden astam aiyppul salynǵan.
-
Siyr eti boiynsha ǵana 45 qaýly rásimdelip, 33 jaǵdaida aiyppul taǵaiyndaldy.
Saýda ministrligi Aýyl sharýashylyǵy ministrligimen birlesip, et ónimderin jetkizý kezinde baǵa ústemesin qatań qadaǵalaý úshin qosymsha monitoringtik toptar quryp jatyr. Sonymen qatar jasyryn qymbattaý shemalaryn boldyrmaýǵa baǵyttalǵan zańnamalyq ózgerister ázirlenýde.
Aimaqtyq nátijeler:
-
Jyl basynan beri aimaqtyq komissiialar 747 otyrys ótkizip, 2301 buzýshylyqty anyqtady.
-
1956 ákimshilik qaýly qabyldanyp, 345 ónimsiz deldal naryqtan shyǵaryldy.
-
Elektrondy shot-faktýralardy taldaý barysynda 9015 myń taýarlyq tizbektiń ishinen 823 táýekeldi buzýshylyq tabyldy.
«Bereke Fest» aktsiiasy:
Iri saýda jelilerinde arnaiy oryndar bólinip, jańa ónimder, sonyń ishinde kókónis, jemis-jidek jáne siyr eti naryqtaǵydan tómen baǵamen satylatyn bolady. Bul aktsiia qazaqstandyq óndirýshilerdi qoldaýmen qatar, birinshi qajettiliktegi azyq-túliktiń qoljetimdi bolýyna yqpal etpek.
Sonymen birge, óńirlerde aýyl sharýashylyǵy jármeńkeleriniń sany artyp, tutynýshylarǵa sapaly otandyq ónimderdi tikelei óndirýshiden alý múmkindigi beriledi.
