Túrikmenstannyń burynǵy basshysy Gýrbangýly Berdimuhamedovtiń uly Serdar prezidenttik sailaýda 72,97 paiyz daýyspen jeńiske jetti, - dep habarlaidy Tengrinews.kz tilshisi.
"Túrikmenstannyń sailaý kodeksiniń 76-babyna sáikes jáne Ortalyq sailaý komissiiasynyń 2022 jylǵy 14 naýryzdaǵy qaýlysy negizinde 72,97 paiyz daýys jinaǵan Túrikmenstan ministrler kabineti tóraǵasynyń orynbasary Serdar Gýrbangýlyevich Berdimuhamedov Túrikmenstan prezidenti bolyp sailandy", - delingen Ortalyq sailaý komissiiasynyń habarlamasynda.
Serdar Berdimuhamedov 1981 jyly dúniege kelgen. Niiazov atyndaǵy Túrikmen aýyl sharýashylyǵy ýniversitetin "injener-tehnolog" mamandyǵy boiynsha támamdaǵan. 2008-2011 jyldary Resei SIM Diplomatiialyq akademiiasynda oqyp, halyqaralyq qatynastar boiynsha maman boldy.
2018 jyldyń naýryzynda Serdar Berdimuhamedov Túrkimenstan SIM basshysynyń orynbasary bolyp taǵaiyndaldy. Sodan keiin ol Túrkimenstan májilisine (parlamentine) qaita sailandy. 2019 jyldyń qańtarynda Serdar Berdimuhamedov SIM basshysynyń orynbasary qyzmetinen bosatylyp, Ahal ýálaiaty (oblysy) hiakiminiń (ákimshilik basshysy) orynbasary bolyp taǵaiyndaldy.
2019 jyldyń maýsymynda ol hiakimniń orynbasary qyzmetinen bosatylyp, osy velaiattyń hiakimi bolyp taǵaiyndaldy. 2020 jyldyń aqpanynan bastap Serdar Berdimuhamedov Túrikmenstannyń ónerkásip jáne qurylys óndirisiniń ministri qyzmetin atqardy. 2021 jyldyń aqpanynan bastap vitse-premer laýazymynda jumys isteidi.
Eske salaiyq, aqpanda Halk maslahaty (Halyq keńesiniń) parlamentiniń joǵarǵy palatasynyń kezekten tys otyrysynda Túrikmenstannyń burynǵy prezidenti Gýrbangýly Berdimuhamedov jas basshylarǵa memleketti basqarýǵa jol berý qajet ekenin málimdegen bolatyn.
