Túrikmenstannyń qazirgi basshysy Gýrbanǵuly Berdimuhamedov el prezidenti bolyp qaita sailandy, - dep habarlaidy RIA Novosti Ortalyq sailaý komitetiniń aldyn ala málimetterine silteme jasap.
Aldyn ala málimetterge súiensek, Gýrbanǵuly Berdimuhamedov sailaýda 97,69 paiyz daýys jinaǵan. Aita keteiik, prezident sailaýyna 8 úmitker qatysqan.
Zań boiynsha, Túrikmenstan prezidenttine úmitker daýys berýshilerdiń jartysynan kóp daýys jinaý kerek.
Sondai-aq, 2016 jyldyń 14 qyrkúieginde qabyldanǵan Túrikmenstannyń jańa Konstitýtsiiasyna sáikes, prezidenttik ókilettiktiń 5 jyldan 7 jylǵa deiin uzartylǵany jáne prezident bolý úshin 70 jasqa deiingi shekteýdiń alynyp tastalǵany aitylady.
