Foto ashyq derekkózden alyndy
Berdibek Saparbaev Aqtóbe oblysynyń qurmetti azamaty atandy, - dep habarlaidy Tengrinews.kz.
Oblystyq ákimdiktiń baspasóz qyzmeti málimetinshe, búgin ótken oblystyq máslihattyń kezekti sessiiasy barysynda depýtattar Berdibek Saparbaevqa "Aqtóbe oblysynyń qurmetti azamaty" ataǵyn berý týraly sheshim qabyldaǵan.
"Sessiia barysynda depýtattar memleket qairatkeri Berdibek Saparbaevqa, aýyl sharýashylyǵy ǵylymdarynyń kandidaty Serikbai Rzabaevqa, meditsina professory Naǵashybai Aqataevqa jáne oblys ardagerler keńesiniń tóraǵasy Serik Shańǵutovqa "Aqtóbe oblysynyń qurmetti azamaty" ataǵyn berý týraly sheshimdi bekitti", - delingen ákimdik habarlamasynda.
Aita keteiik, Berdibek Saparbaev 2015-2019 jyldary Aqtóbe oblysynyń ákimi bolǵan.
Biyl qańtarda Saparbaev QazBioPharm ulttyq holdinginiń táýelsiz direktory boldy. Ol óziniń Instagram-paraqshasynda jańa jumys orny týraly habarlady.
70 jastaǵy Berdibek Saparbaev ár jyldary Prezident ákimshiliginde, Úkimette jumys istegen, Shyǵys Qazaqstan, Qyzylorda, Jambyl, Ońtústik Qazaqstan oblystarynyń ákimi bolǵan. Sondai-aq, Kedendik baqylaý agenttigin basqardy, qarjy vitse ministri - Qarjy ministrligi Kedendik baqylaý komitetiniń tóraǵasy, premer-ministr keńsesiniń basshysy - Májilistegi Úkimet ókili bolyp jumys istedi. Ekonomika jáne biýdjettik josparlaý vitse-ministri, eńbek jáne halyqty áleýmettik qorǵaý ministri boldy.
Berdibek Saparbaev eki ret premer-ministrdiń orynbasary qyzmetin atqardy.
