Jambyl oblysynyń eks-ákimi Berdibek Saparbaev prezidentpen ne úshin kezdeskenin aitty, dep habarlaidy Sputnik Qazaqstan.
Búgin Saparbaev Nur-Sultan qalasynyń №59 referendým ýchaskesinde daýys berdi.
Jýrnalister eks-ákimnen prezidentpen ne úshin kezdeskenin surady.
"Meniń Memleket basshysy Qasym-Jomart Kemeulyna kirgen maqsatym - ol kisiniń bergen tapsyrmalary qalai oryndalǵanyn jáne qandai jumystar jasalǵanyn aitý. Odan keiin az da bolsa, tájiribemiz bar. Ózimniń oiymmen, pikirimmen bólistim. Ony Memleket basshysy qabyldady", - dedi Saparbaev.
Sondai-aq, áleýmettik jelide "jańa oblysqa ákim bolyp barý múmkin" degen boljamǵa qatysty pikir bildirdi.
"Ondai áńgimeler kóp. Eshqandai usynys joq. Men qazir úide, bala-shaǵammen otyrmyn. Qyzmetke shyqarsa... Eger meniń tájiribem, bilimim Otanyma, halqyma kerek bolsa, onda, árine, halyq úshin qyzmet etýge daiynbyz", - dep atap ótti Saparbaev.
