Aqtóbe oblysynyń ákimdiginde memleket basshysy Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty joldaýynyń negizgi erejelerin túsindirýge jáne júzege asyrý joldaryn talqylaýǵa arnalǵan oblys aktivi ótti.
Sharaǵa oblys basshylyǵy, oblystyq jáne qalalyq máslihat depýtattary, memlekettik organdar men mekemelerdiń, qoǵamdyq birlestikterdiń basshylary, kásipkerler jáne t.b. qatysty. Barlyǵy myńnan asa adam.
- Prezident joldaýy ekonomika ósimi men qazaqstandyqtardyń turmysy jaqsarýyn qamtamasyz etetin aýqymdy áleýmettik-ekonomikalyq jobalardy júzege asyrý úshin jańa múmkindikterge jol ashty. Bizdiń mindetimiz – memleket basshysy bastamalarynyń tolyq, ýaqytyly jáne sapaly júzege asyrylýyn qamtamasyz etý, - dep atap ótti jiyndy ashqan oblys ákimi Berdibek Saparbaev.
Aktiv kezinde oblys ákimi strategiialyq qujattyń negizgi basymdyqtary men memleket basshysy qoiǵan aýqymdy mindetterdiń júzege asyrylý joldaryn sipattap berdi.
Berdibek Saparbaev málimdegendei, aldyn ala málimetter boiynsha 35 myń aqtóbeliktiń, sonyń ishinde 20 biýdjettik sala qyzmetkerleriniń eńbekaqysy Prezidenttiń eń az eńbekaqy mólsherin 28 myńnan 42 myń teńgege deiin ósirý týraly bastamasy aiasynda kóteriletin bolady.
- Barlyq kásiporyndarda, uiymdar men mekemelerde jekemenshik túrine qaramastan 2019 jylǵy 1 qańtardan bastap eńbekaqyny ósirý sharalary qabyldaný kerek, - dep atap ótti oblys ákimi.
Berdibek Saparbaev «Biznestiń jol kartasy-2020» baǵdarlamasynyń áreket etýin taǵy bes jylǵa sozý jaiynda aita otyra 2019 jyldan bastap atalmysh baǵdarlama boiynsha qarjylandyrý tek Aqtóbe oblysynyń ózinde jyl saiyn shamamen 2,5 mlrd teńgege artatynnyn málimdedi. Atalǵan shara biznestegi kedergilerdi ári qarai joiýda, ShOB-ti damytýda edáýir demeý bolyp, óńir ekonomikasyn nyǵaitady jáne ósiredi.
- Prezident tapsyrmasy boiynsha óńirde TKSh men tabiǵi monopoliialar qyzmetine tarif belgileýdiń ashyqtyǵyn qamtamasyz etý jumystaryn kúsheitý qajet. Tutynýshylar qarajattarynyń qaida jumsalyp jatqanyn naqty bilýleri kerek. Budan basqa, monopolister ózderine bastamashyl mindetterdi ala otyra, olardy tariftiń investitsiialyq shyǵyndaryn qosa tutynýshylardyń moiyndaryna iledi. Mundai tájiribe toqtatylýy tiis, - dep tapsyrdy oblys ákimi.
Ol sondai-aq, oblys memleket basshysynyń eksport áleýetin kóterý, kóliktik-logistikalyq sektordy, týrizmdi, agroónerkásip keshenin damytý, baǵanyń negizsiz kóterilýi men infliatsiiaǵa jol bermeý, muǵalimderdiń mártebesi men bilim berý, meditsinalyq qyzmet kórsetý sapasyn arttyrý, densaýlyq saqtaý salasyn tsifrlandyrý, buqaralyq sportty damytý, eldi mekenderdi abattandyrý, halyqty sapasyz ári adam densaýlyǵy men ómirine ziian taýarlar men qyzmetterden qorǵaý jáne t.b. týraly tapsyrmalaryn oryndaý úshin bar kúshin salatynyn atap ótti.
- Prezidenttiń qazirgi Joldaýdaǵy bastamalary aldyndaǵylar sekildi bizdiń azamattardyń baspanaly bolý múmkindigin keńeitýge baǵyttalǵan. «7-20-25» baǵdarlamasy aiasynda bizdiń oblysta bastapqy jarnany biýdjettiń 2 mlrd teńge kólemindegi sýbsidiiasy esebinen 10 paiyzǵa deiin tómendetý sheshimi qabyldandy. Oblys ákimdigine sýbsidiia berý mehanizmin ázirleýdi jyldamdatýdy jáne protsesti oryndaýǵa kóshýdi tapsyramyn, - dedi Berdibek Saparbaev.
Oblys ákimi sondai-aq, barlyq memlekettik qyzmetkerlerdi turǵyndarmen keri bailanysty kúsheitýge, formalizm men biýrokratizmdi tómendetýge shaqyrdy, memlekettik qyzmetkerlerdiń turǵyndarmen tikelei bailanysyn memlekettik qyzmetterdi elektrondy formatqa kóshirý esebinen tómendetý qajettigin atap ótti.
Prezidenttiń tapsyrmasy boiynsha 2019 jyly memlekettik qyzmetterdiń 80%-y, 2020 jyly kem degende 90%-y elektrondy formattqa kóshirilýleri tiis. Búginde Aqtóbe oblysynda memlekettik qyzmetterdiń 85%-y elektrondy formatta kórsetiledi.
- Elbasy biylǵy joldaýynda jastarǵa úlken kóńil bólip otyr. Eldiń bolashaǵy olarǵa berilgen tárbiege bailanysty. Búginniń ózinde jastarmen jumys jasaityn memlekettik organdar Prezidenttiń Jastar jyly dep jariialaýy aiasyndaǵy is-sharalardyń josparyn ázirleýge kirisý kerek. Jalppy, Prezident joldaýyndaǵy mindetterdi júzege asyrýǵa bir jarym trln teńge aýdarylady. Bul - qazaqstandyqtardyń ál-aýqatyn arttyrýǵa barynsha tiimdi jumsaýymyzdy qajet etetin úlken qarajat, - dep atap ótti kezdesýdiń qorytyndysy boiynsha Berdibek Saparbaev.
