Foto: eldala.kz
Memleket jáne qoǵam qairatkeri Berdibek Saparbaev 71 jasqa qaraǵan shaǵynda dúnieden ozdy.
"Syr elinde dúniege kelip, qazaqtyń keń dalasyna adal eńbegimen tanylǵan, memleketshil, eljandy tulǵa, erekshe qurmet tutatyn aǵamyz, ómirlik ustazymyz – Berdibek Mashbekuly Saparbaev qaitys bolypty. Alla aldynan jarylqasyn!", - dep jazdy Májilis depýtaty Murat Ábenov áleýmettik jelidegi paraqshasynda.
Saparbaev 1953 jyly 9 aqpanda Qyzylorda oblysy Jańaqorǵan aýdany Besaryq aýylynda týǵan. 1977 jyly Almaty halyq sharýashylyǵy institýtyn ekonomist mamandyǵy boiynsha támamdaǵan. Ekonomika ǵylymdarynyń doktory.
Eńbek jolyn Qyzylorda oblysy Zadarinskii sovhozynyń jumysshysy bolyp bastaǵan.
Ár jyldary Qyzylorda oblysynyń ákimi, Ońtústik Qazaqstan oblysynyń ákimi, Eńbek jáne halyqty áleýmettik qorǵaý ministri, Shyǵys Qazaqstan oblysynyń ákimi, Premer-ministrdiń orynbasary, Aqtóbe oblysynyń ákimi, Jambyl oblysynyń ákimi qyzmetterin atqardy.
"Otan", "Barys", "Parasat", "Qurmet" ordenderiniń jáne basqa da kóptegen marapattyń iegeri.
