Mańǵystaý óńirine is-saparmen kelgen Berdibek Saparbaev meditsinalyq sala men bilim salasynyń qyzmetkerlerimen kezdesti, dep habarlaidy "Ult aqparat".
Berdibek Mashbekuly jýyrda ǵana Fariza Ońǵarsynovanyń esimi berilgen 29-mektepte bir top ustazdarmen júzdesip, saladaǵy jańalyqtarmen bólisti.
Qazirgi tańda bilim salasyna kóńil tolmaitynyn aityp, jýyrda ǵana halyqaralyq agenttik tarapynan jasalǵan saýalnama qortyndysyn aityp berdi.
«BAQ betterinde jariialandy. Halyqaralyq agenttik taldaý jasaǵan eken: Qazaqstan sońynan sanaǵanda 2-shi orynda. Sońǵy Grýziia tur. Eger bizdiń ballarymyz Amerika, Eýropa siiaqty alpaýyttardan qalmai bilim alǵanyn qalasaq, bilim sapasyn arttyrý kerek. Máselen, kúndelikke bailanysty. Internettiń jyldamdyǵy nashar ma, qolmen toltyrý kerek. Oqýlyq máselesi de aitylǵan bolar. Ministrlikte biraz sharýa bar dep. Oqýlyqpen jumys isteitin adam oqýlyq shyǵarýǵa qatysý kerek. Aýdarý jumystaryna da»,-dep atap ótti Úkimet basshysynyń orynbasary.
Sondai-aq, meditsina salasynyń qyzmetkerlerimen kezdesken Berdibek Mashbekuly óńirde kadrlarmen qamtamasyz etý mańyzdy bolyp turǵanyn aitty.
«Qazirgi tańda 200-ge jýyq maman jetispeidi. Jetispei turǵan mamandarǵa qarjy berip, úi berip, óńirge tartý jumystary júrgiziledi. Sonymen qatar, barlyq eldi-mekenderde meditsinalyq nysan salý kerek. Aýdan ortalyqtarynda mrt qurylǵylary bolý qajet», - dedi ol
